ރާއްޖޭގެ އެއްވެސް ރަށެއްގައި މިރޭ ކޭތަނަމާދު ނުކުރާގޮތަށް ނިންމައިފިއެވެ.
އެކަން ބަޔާންކޮށް އިސްލާމިކް މިނިސްޓްރީން ޢާންމުކުރި ބަޔާން:
މިރޭ (05 މެއި 2023) ގައި ހިފާ ހަނދުކޭތަ ނަމާދާ ގުޅޭ:
”މި ރޭ ރާއްޖޭގެ ހުރިހާ ހިސާބަކަށްވެސް ހަނދުކޭތަ ހިފާނެކަމަށް ފަލަކީ ހިސާބުތަކުން ދެއްކި ނަމަވެސް ހަނދުގެ އެއްވެސް ބަޔަކުން އަލިކަން މުޅިން ފިލައިގެން ގޮސް އަނދިރިކަން ނުހުންނާނެއެވެ. ފަނޑު ހިޔަންޏެއްގެ ގޮތުގައި ހަނދަށް އެޅިފައި ހުންނާނީ ވަރަށް ފަނޑު އަނދިރިކަމެއް. މި ސަބަބުތައް ހުރުމުން ފަލަކީ ކޮމެޓީގެ ލަފައާއެކު އިސްލާމިކް މިނިސްޓްރީން ނިންމާފައިވަނީ މި ރޭ ކޭތަނަމާދު ރާއްޖޭގެ އެއްވެސް ރަށެއްގައި ނުކުރާގޮތަށްކަމުގައި ދެއްނެވީމެވެ."
