"އަޅުގަނޑުގެ ވެރިކަމެއްގައި ރާއްޖޭގައި އިސްލާމް ދީނާ ޚިލާފަށް ކަމެއް ކޮށްފިނަމަ ދިވެހި ޖުމްހޫރިއްޔާގެ ޤާނޫނުއަސާސީގައިވާ ގޮތުގެމަތިން ފިޔަވަޅު އަޅާނަން" ކަމަށް ޖުމްހޫރީ ޕާޓީގެ ލީޑަރު ޤާސިމް އިބްރާހީމް ވިދާޅުވެއްޖެއެވެ.
ފާއިތުވި 5 އަހަރަކީ އިސްލާމް ދީނާއި ޚިލާފަށް ރާއްޖޭގައި ކުރާ ކަންކަމަށް ޤާނޫނީ ފިޔަވަޅު އެޅުމުގައި އެންމެ ބޮޑަށް އަޅާނުލައި ދޫކޮށްލި 5 އަހަރުކަން މިއަދުނޫހުން މިގެންދަނީ އަބަދުވެސް ފާހަގަކުރަމުންނެވެ. އެކަމުގެ ސަބަބުން ފާއިތުވި 5 އަހަރަކީ ރާއްޖޭގައި އިސްލާމް ދީނާއި ޚިލާފަށް ފައުޅުގައި އެންމެ ގިނަ ކަންކަން ކުރި 5 އަހަރުކަންވެސް މިގެންދަނީ ފާހަގަކުރަމުންނެވެ.
ރިޔާސީ ކެންޑިޑޭޓެއްގެ ކިބައިން މިފަދަ ބަސްފުޅެއް ރައްޔިތުންނަށް އަޑުއިވިގެންދިއަކަން އެއީ ދިވެހި މުސްލިމުންނަށް ލިބުނު ވަރަށް ބޮޑު އުންމީދެއްކަން ފާހަގަކުރެވެއެވެ.
