ޚުޠުބާ ކިއުމުގެ ހުއްދަ ނަގަން ހުށަހެޅި 160 ޒުވާނުންގެ އިންޓަވިއު ފަށައިފިއެވެ. މި ފަރާތްތަކުގެ އިންޓަރވިއުއަށް ފަހު އިމާމްކަމާ ގުޅޭ އިންޓެންސިވް ޓްރެއިނިން އެއް ގެންދެވޭނެ ކަމަށާއި މިއީ މިހާ ގިނަ އަދަދަކަށް ޒުވާނުންނަށް އެއް ފަހަރާ އިމާމުކަމަށް ހުއްދަދެވޭ ފުރަތަމަ ފަހަރުކަމަށް އިސްލާމިކް މިނިސްޓްރީން ބުނެއެވެ.
ރާއްޖެއަކީ ނިޞްބަތުން ޒުވާން ޙާފިޡުން ގިނަ ޤައުމެކެވެ. ރިވެތިކޮށް ބަންގިގޮވައި އިމާމްވެ ތަރާވީޙް ނަމާދާއި ދަމުނަމާދުކުރާ ޤާބިލް ޒުވާނުން ތިބި ޤައުމެކެވެ. ޚުޠުބާ ކިޔުމުގެ ފުރުޞަތުވެސް ޒުވާނުންނަށް ލިބިގެންދިއުމަކީ ދީނީ ކަންކަން އިތުރަށް ކުރިއަރައިގެންދާނެ ކަމެކެވެ. އިން ޝާ ﷲ
