މަކަރާއި ޙީލަތުގެ މައްސަލައަކާ ގުޅިގެން މިމީހާ އާ ބެހޭ މަޢުލޫމާތު އެނގޭނަމަ ޙިއްޞާކޮށްދިނުމަށް ފުލުހުން އެދިއްޖެއެވެ.
ތަހުގީގު ކުރަމުންދާ މަކަރާއި ހީލަތް ހެދުމުގެ މައްސަލައަކާ ގުޅިގެން ހޯދަން ބޭނުންވެ ކާކުކަން ދެނެގަނެވިފައިނުވާ މީހަކު ހޯދުމަށް އޭނާގެ ފޮޓޯ ސޯޝަލް މީޑިޔާގައި ފުލުހުން ވަނީ ޢާންމުކޮށްފައެވެ. މިކަމާގުޅިގެން ފުލުހުން ބުނެފައިވަނީ މިމީހާއާ ގުޅޭ އެއްވެސް މަޢުލޫމާތެއް އެނގޭނަމަ ހުޅުމާލެ ފޭސް 1 އިންވެސްޓިގޭޝަން ނަމްބަރު 9980062 އަށް ގުޅާ މަޢުލޫމާތު ޙިއްސާކުރުމަށް ފުލުހުންވަނީ އެދިފައެވެ.
މިފަދަ ކަންކަމުގައި ރައްޔިތުންގެ ފަރާތުން ލިބޭ އެއްބާރުލުމަށް ފުލުހުން ވަނީ ޝުކުރުއަދާކޮށްފައެވެ.
