ރާއްޖެއަށް ސައުދިއަރަބިޔާއިން ކަނޑައަލާފައިވާ ސަފީރު ބަދްރް އަލްކަހީލް ކުރެއްވި ޓްވީޓެއްގައި ވިދާޅުވެފައިވަނީ 3 އަހަރަށްވުރެ ދިގު މުއްދަތަކަށްފަހު އިއްޔެއަކީ ރާއްޖެއަށް ސައުދިއަރަބިޔާއިން ކަނޑައަޅާފައިވާ ސަފީރު ކަމުގެ ފަހު ދުވަސް ކަމަށެވެ.
ސަފީރު ވަނީ އެމަނިކުފާނުގެ ސަފީރުކަމުގައި ދިވެހި ރައްޔިތުންނާއި ސަރުކާރުން ދިން އެއްބާރުލަށާއި ބޭއްވި ގާތްގުޅުން ފާހަގަ ކުރައްވައި ޝުކުރު އަދާކުރައްވައިފައެވެ.
ބަދްރް އަލް ކަހީލް ވަނީ އެމަނިކުފާނުގެ ސަފީރު ކަމުގައި ރާއްޖޭގެ ތަފާތު ކަންކަމަށް އެހީތެރިވެދެއްވަން އަމިއްލަފުޅު ހައިޞިއްޔަތުންވެސް މަސައްކަތްޕުޅު ކޮށްދެއްވައިފައެވެ. އިސްލާމީ ޔުނިވަރސިޓީ އަށާއި އިސްލާމިކް މިނިސްޓްރީއަށް ސަފީރު ވެދެއްވި އެހީތެރިކަން ޚާއްޞަ ގޮތެއްގައި ފާހަގަކުރެވެއެވެ.
