ޢާއިޝަތު ރަފާޙް ޢަލީ
މީސްތަކުންނަށް ތަނަވަސްކަން ދެއްވަވައިފިއެވެ. ޢިލްމް ދެއްވަވައިފިއެވެ. އެކަމަކު ދުނިޔެ ފަދަ ތަނެއް އުފެއްދުމުގެ ވިސްނުންވެސް ނެތީ ކީއްވެގެން ހެއްޔެވެ؟ އަބަދުވެސް އަޑުއިވެމުން އަންނަނީ ދުނިޔޭގައި ﷲ ތަޢާލާ ލައްވަވާފައިވާ ނިޢްމަތްތަކުގެ ބޭނުން ހިފުމުގެ ވާހަކައެވެ. އިންސާނާގެ ހުރި ނިކަމެތިކަން އެވަރުންވެސް ވަޒަން ނުކުރެވެނީއެވެ.
ސުވާލެއް ކޮށްލާނަމެވެ. ހަނދު މުޅި ދުނިޔެއަށް އަލިކޮށްދެއެވެ. ޖައްވީ އުޅަނދެއް ފޮނުވައިގެން މުޅިދުނިޔެއަށް އަލިކަން ފޯރުކޮށްދެވިދާނެ ހެއްޔެވެ؟ އެކަމަށް ކުޅަދާނަނަމަ ނުކޮށް ތިބެނީ ކީއްވެގެން ހެއްޔެވެ؟
ﷲ ތަޢާލާ ނާޒިޢާތު ސޫރަތުގެ 27 ވަނަ އާޔަތުން 33 ވަނަ އާޔަތައް ވަޙީ ކުރައްވާފައިވެއެވެ.
أَأَنتُمْ أَشَدُّ خَلْقًا أَمِ السَّمَاءُ ۚ بَنَاهَا ﴿٢٧﴾ رَفَعَ سَمْكَهَا فَسَوَّاهَا ﴿٢٨﴾ وَأَغْطَشَ لَيْلَهَا وَأَخْرَجَ ضُحَاهَا ﴿٢٩﴾ وَالْأَرْضَ بَعْدَ ذَٰلِكَ دَحَاهَا ﴿٣٠﴾ أَخْرَجَ مِنْهَا مَاءَهَا وَمَرْعَاهَا ﴿٣١﴾ وَالْجِبَالَ أَرْسَاهَا ﴿٣٢﴾ مَتَاعًا لَّكُمْ وَلِأَنْعَامِكُمْ ﴿٣٣﴾
މާނައީ: "ހެއްދެވުމުގައި އުނދަގޫކަންބޮޑީ، ތިޔަބައިމީހުން ހެއްޔެވެ؟ ނުވަތަ އުޑު ހެއްޔެވެ؟ އެ އުޑު ބިނާކުރެއްވީ އެކަލާނގެއެވެ. (27) އެކަލާނގެ އެ އުޑުގެ ބިނާ އުފުއްލެވިއެވެ. ދެން އެ އުޑު ފުރިހަމަކުރެއްވިއެވެ. (28) އަދި އެ އުޑުގެ ރޭގަނޑު އަނދިރިކުރެއްވިއެވެ. އަދި އެ އުޑުގެ ދުވާލު ފާޅުކުރެއްވިއެވެ. (29) އެއަށްފަހު، ބިން ފެތުރުއްވިއެވެ. (30) އެ ބިމުގެ ފެނާއި، ފަތްޕިލާވެލި، އެ ބިމުން ނެރުއްވިއެވެ. (31) އަދި ފަރުބަދަތައް (އެ ބިމުގައި) ހަރުލެއްވިއެވެ. (32) (އެއީ) ތިޔަބައިމީހުންނަށާއި، ތިޔަބައިމީހުންގެ نعم ސޫފިތަކަށް ދިރިއުޅުމުގެ ވަގުތީ އުފަލެއްގެ ގޮތުގައެވެ. (33)"
މުއުމިނުންނާއި ކާފިރުންނަށް ޖަޒާ ލިބޭ ގޮތް:
ﷲ ތަޢާލާ ނާޒިޢާތު ސޫރަތުގެ 34 ވަނަ އާޔަތުން 41 ވަނަ އާޔަތައް ވަޙީ ކުރައްވާފައިވެއެވެ.
فَإِذَا جَاءَتِ الطَّامَّةُ الْكُبْرَىٰ ﴿٣٤﴾ يَوْمَ يَتَذَكَّرُ الْإِنسَانُ مَا سَعَىٰ ﴿٣٥﴾ وَبُرِّزَتِ الْجَحِيمُ لِمَن يَرَىٰ ﴿٣٦﴾ فَأَمَّا مَن طَغَىٰ ﴿٣٧﴾ وَآثَرَ الْحَيَاةَ الدُّنْيَا ﴿٣٨﴾ فَإِنَّ الْجَحِيمَ هِيَ الْمَأْوَىٰ ﴿٣٩﴾ وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَىٰ ﴿٤٠﴾ فَإِنَّ الْجَنَّةَ هِيَ الْمَأْوَىٰ ﴿٤١﴾
މާނައީ: "ފަހެ، ބޮޑުވެގެންވާ ކަންތައްގަނޑު އަންނަހިނދެވެ. (އެބަހީ: قيامة ދުވަސް އަންނަހިނދެވެ.) (34) އިންސާނާ ކުޅަހާ ކަމެއް، ހަނދުމަވާ ދުވަހެވެ. (35) އަދި ދެކޭމީހަކަށް ނަރަކަ ފާޅުކުރައްވާނެތެވެ. (36) ފަހެ، ފުރެދުމުގައި ހައްދުފަހަނަޅައި، އަދި ދުނިޔޭގެ ދިރިއުޅުމަށް އިސްކަންދިން މީހާ ދަންނާށެވެ! (37–38) ފަހެ، ހަމަކަށަވަރުން، އެމީހާ އުޅޭނެ ތަނަކީ، ނަރަކަޔެވެ. (39) އަދި އެމީހާގެ ވެރިރަސްކަލާނގެ حضرة ގައި ހުންނަންޖެހޭ ހުރުމަށް ބިރުވެތިވެ، އެމީހެއްގެ نفس އަމިއްލަ އެދުންތަކުން ދުރުކޮށްފިމީހާ ދަންނާށެވެ! (40) ފަހެ، ހަމަކަށަވަރުން، އެމީހާ އުޅޭނެ ތަނަކީ، ސުވަރުގެއެވެ. (41)"
