ދިވެހިރާއްޖޭގެ ޤައުމީ ޔުނިވަސިޓީ (އެމްއެންޔޫ) ގައި ތިއްބެވި ހުރިހާ ސީނިއަރ ލެކްޗަރަރ އިން އެސިސްޓެންޓް ޕްރޮފެސަރުންގެ ނަމަށް ބަދަލުކޮށްފި އެވެ.
މިއަދުނޫހަށް މައުލޫމާތު ލިބިފައިވާ ގޮތުގައި އެމްއެންޔޫގެ ސީނިއަރ ލެކްޗަރަރ އިންގެ ގްރޭޑަކީ ވަޒީފާގެ ދަރަޖައިގެ ގޮތުން 8 އެވެ. އެސިސްޓެންޓް ޕްރޮފެސަރުންގެ ނަމަ ބަދަލުކޮށްފައިވަނީވެސް ހަމަ އެ ދަރަޖައިގައެވެ. އަދި މިމަހުގެ 1 ވަނަ ދުވަހުން ފެށިގެން މިބަދަލު ގެނެސްފައިވާއިރު މުސާރައާއި އެލަވަންސަށް ވެސް އެއްވެސް ބަދަލެއް ގެނެސްފައެއް ނުވެއެވެ.
އެމްއެންޔޫގެ ސިނިއަރ ލެކްޗަރަރ އިންގެ މަޤާމުގައި ތިއްބަވަނީ އެތަނުގައި ކިޔަވައިދެއްވާތާ ގިނަ ދުވަސްވީ ބޭފުޅުންނާއި ޕީއެޗްޑީ ޙާޞިލުކުރައްވައިގެން ތިއްބެވި ބޭފުޅުންނެވެ.
