10 އަހަރު ދުވަހުގެ މުއްދަތަށް ކުޅުދުއްފުށީ ”ވަނި” އިމާރާތް ކުއްޔަށްދޭން ކައުންސިލުން ނިންމައި ބީލަމަށް ހުޅުވާލައިފިއެވެ.
ކުޅުދުއްފުށީ ކައުންސިލްގެ މި އިމާރާތުގެ ބީލަމުގައި ބައިވެރިވާން އެދޭ ފަރާތްތަކުން މިއަދުން ފެށިގެން މި މަހުގެ 28 ވާ ބުރާސްފަތި ދުވަހުގެ 13:00 ގެ ކުރިން ކުޅުދުއްފުށީ ކައުންސިލް އިދާރާގައި ނަންނޯޓް ކުރައްވާ ރަޖިސްޓްރީ ކުރުމަށް އެއިދާރާއިން ވަނީ އެދިފައެވެ.
ބީލަމާބެހޭ ގޮތުން މައުލޫމާތު ދިނުމަށް ބާއްވާ ބައްދަލުވުން އޮންނާނީ އެޕްރީލް 1 ވަނަ ދުވަހުގެ 13:00 ގައި ކައުންސިލް އިދާރާގެ ޖަލްސާކުރާ މާލަމުގައެވެ. ބީލަން ހުށައެޅުން އޮންނާނީ އެޕްރީލް 7 ވަނަ ދުވަހުގެ 13:00 ގައެވެ.
މި ބީލަމުގައި ރަޖިސްޓްރީ ކުރުމުގެ ފީ އަކީ -/500 ރުފިޔާއެވެ.
