އަވަށްޓެރި ސްރީ ލަންކާގައި އިއްޔެ ދިން ހަމަލާތަކާއި ގުޅިގެން ރާއްޖޭގެ ބޯޑަރު ސެކިޔުރިޓީ ވަރުގަދަކޮށްފައިވާ ކަމަށް އިމިގްރޭޝަނުން ބުނެފިއެވެ.
އިމިގްރޭޝަނުން މިއަދު ބުނީ ކޮންޓްރޯލަރ މުޙައްމަދު އަޙްމަދު ޙުސައިން (ޙަނަފީ) މިއަދު ވަނީ ކަމާއި ގުޅުންހުރި އިދާރާތަކުގެ އިސް ބޭފުޅުންނާއި ބައްދަލުކުރައްވައި މަޝްވަރާ ކުރައްވާފައި ކަމަށެވެ.
ލަންކާގައި އިއްޔެ ދީފައިވާ ހަމަލާތަކަށްބަލާއިރު އެއީ ފަހުގެ ތާރީޚެއްގައި ހިންގާފައިވާ މިފަދަ އެންމެ އަނިޔާވެރި ހަމަލާތަކެވެ. ހަމަލާތަކުގައި މަރުވި މީހުންގެ އަދަދު މިހާރުވެސް ވަނީ 200 އަށްވުރެ އިތުރުވެފައެވެ. އަދި މިއަދުވެސް ވަނީ ގިނަ ހާދިސާތަކެއް ހިނގައިފައެވެ. އެއިގެ ތެރޭގައި ބޮމުގެ 10 ހާދިސާ ހިމެނެއެވެ. މަގުމަތީގައި ވެހިކަލެއްގައި ވެސް ވަނީ ބޮމެއް ގޮއްވާލައިފައެވެ.
މިރޭ 12 އިން ފެށިގެން ޤައުމުގައި ކުއްލި ނުރައްކަލުގެ ޙާލަތުވެސް ވަނީ އިއުލާނުކޮށްފައެވެ.
Controller General @hanafymv has briefed Immigration Border control officers and has taken necessary measures to tighten border security in response to the series of terror attacks in neighboring Sri Lanaka. pic.twitter.com/kd3UVHpy4L
— Maldives Immigration (@ImmigrationMV) April 22, 2019
