ލ. ގަމުގައި އުމުރުން 44 އަހަރުގެ މީހަކު ރަހީނުކޮށް، އެމީހާ އަތުން އިތުރަަށް ފައިސާތަކެއް ފޭރިގަންނަން އުޅުނު ދެވަނަ މީހާ ވެސް ފުލުހުން ހައްޔަރު ކޮށްފިއެވެ.
ފުރަތަމަ މީހާ ހައްޔަރު ކުރީ، މިމަހުގެ 2 ވަނަ ދުވަހު ރަހީނު ކޮށްފައިހުރި މީހާގެ އަތުން 8900 ރުފިޔާ ފޭރިގަތުމަށްފަހު، އޭނާ އަތުން އިތުރަށް ފައިސާ ހޯދުމަށް އުޅެނިކޮށް މިމަހުގެ 3 ވަނަ ދުވަހުގެ ރޭ 22:45 ހާއިރެވެ.
އެކަމުގައި ބައިވެރިވި ދެވަނަ މީހާ އެރޭ ފިލި ނަމަވެސް، މިރޭ 19:37 ހާއިރު އޭނާ ވެސް ވަނީ ހައްޔަރު ކޮށްފައެވެ. އެމީހާ ހައްޔަރު ކުރީ ލ.މާވަށުގައި ހުށްޓާކަމަށް ފުލުހުން މައުލޫމާތު ދީފައިވެއެވެ.
މިމައްސަލަ ފުލުހުން ދަނީ ތަހުގީގު ކުރަމުންނެވެ.
