ބްރިޖު ހައިވޭގައި މަޑުކޮށްފައި އޮތް ކާރެއްގައި ޖެހުނު ސައިކަލު ދުއްވީ ފުލުހެއްކަމަށް ފުލުހުންގެ އިދާރާއިން ބުނެފިއެވެ.
ފުރޮޅު ފަޅައިގެން ދިއުމުން، ސިނަމާލެ ބްރިޖު ހައިވޭގެ އެއް ފަރާތުގައި މަޑުކޮށްގެން އޮތް ކާރުގައި ޖެހުނު ސައިކަލް ދުއްވަން އިން އުމުރުން 29 އަހަރުގެ އެ ފުލުސް މީހާ އަށް ވަނީ ފަރުވާ ދީފައެވެ. މިހާދިސާގައި ސައިކަލް ދުއްވަން އިން ފުލުސްމީހާގެ ބޯ ވަނީ ފަޅައިގެން ގޮސް ނޭފަތާއި އަނގައިން ލޭ އައިސް ދަތްދޮޅިން ތަންކޮޅެއް މަށައިގެން ގޮސްފައިވެއެވެ.
މިއަދު މެންދުރު ފަހު 3:30 ވާން އުޅެނިކޮށް ހިނގި މި އެކްސިޑެންޓުގައި ކާރުގެ ފަހަތު ބިއްލޫރިގަނޑު ވަނީ ތަޅައިގެން ގޮސްފައެވެ.
