ޕްރައިވެޓައިޒޭޝަން އެންޑް ކޯޕޮރަޓައިޒޭޝަން ބޯޑް (ޕީސީބީ) މޯލްޑިވްސް ގެ ރައީސް މުޙައްމަދު ނިޒާރް އެމަގާމުން މިއަދު އިސްތިއުފާ ދެއްވައިފިއެވެ.
މިކަން އިއުލާން ކުރައްވަމުން ކުރެއްވި ޓްވީޓެއްގައި ނިޒާރް ވިދާޅުވެފައިވަނީ، ފަސް އަހަރާއި 26 ދުވަހު ޕްރައިވެޓައިޒޭޝަން ބޯޑުގައި މަސައްކަތް ކުރެއްވުމަށްފަހު މިއަދު އެމަނިކުފާނު "އެ ޓައީ ނަންގަވާފައިވާ" ކަމަށެވެ.
އިސްތިއުފާ ދެއްވި ވަކި ސަބަބެއް ބަޔާންކޮށްފައި ނެތް ނަމަވެސް ނިޒާރު ވިދާޅުވީ އެމަނިކުފާނު މުޅިއަކު 34 އަހަރު ޤައުމަށް ޚިދުމަތް ކޮށްދެއްވާފައިވާ ކަަމަށާއި މިފުރުސަތުގައި އެމަނިކުފާނު މަސައްކަތް ކުރެއްވި ހުރިހާ ސަރުކާރަކަށާއި ޕީސީބީ ގެ ބޯޑް މެމްބަރުންނަށް ނިހާޔަތަށް ޝުކުރު އަދާކުރައްވާ ކަމަށެވެ.
I have removed my tie after 5 years 26 days at Privatization & Corporatization Board. This totals to 34 years of service to the Nation. Thanks to all the government's, special thanks to PCB board members, @sceraj Siraj & his team who has worked to bring PCB to this level. pic.twitter.com/CeBqosnRWH
— Mohamed Nizar (@nixaar) August 20, 2019
