އަމިއްލަފުޅު ރަށް ކަމަށްވާ ކޮޅުމަޑުލު ތިމަރަފުށްޓާއި މަޖިލީހުގައި އެމަނިކުފާނު ތަމްސީލު ކުރައްވާ ކިނބިދޫ ދާއިރާގެ ރައްޔިތުންނާއި ބައްދަލު ކުރައްވައި ޝުކުރު އަދާކުރައްވަން ޢަބްދުﷲ ރިޔާޟް ދާއިރާއަށް ފުރާވަޑައިގެންފިއެވެ.

ރިޔާޟް ވިދާޅުވީ އެމަނިކުފާނުގެ މިދަތުރުފުޅަކީ ނިމިގެންދިއަ ރިޔާސީ އިންތިޚާބުގައި ރައްޔިތުން އިންތިޚާބީ ރައީސް އިބްރާހީމް މުޙައްމަދު ޞާލިހަށާއި ނައިބް ރައީސް ފައިޞަލް ނަސީމަށް ކުރި ތާއީދަށް ޝުކުރު އަދާކުރައްވަން ކުރައްވާ ދަތުރުފުޅެއް ކަމަށެވެ. "އެމީހުން ވަނީ ވަރަށް ބޮޑަށް ކެންޕޭނުކޮށް ރިޔާސީ އިންތިޚާބު ކާމިޔާބުކުރަން ވަރަށް ގިނަ މަސައްކަތްތަކެއްކޮށްފަ."

ސަރުކާރުން ވަރަށް އަނިޔާވެރި ގޮތުގައި ރިޔާޟް ހައްޔަރުކޮށް 6 މަހާއި 22 ދުވަހު ޖަލުގައި ބެހެއްޓުމުން ރިޔާޟް މިނިވަން ކުރުމަށް ގޮވާލައިވެސް ތިމަރަފުށްޓާއި ދާއިރާގެ ރައްޔިތުންވަނީ ގިނަ އިހުތިޖާޖުތަކެއް ކޮށްފައެވެ.