ލައިލަތުލް ޤަދްރިއަކީ މަތިވެރިވެގެންވާ ރެއެކެވެ. އެ ރެއަކީ އެއްހާސް މައްސަރަށް ވުރެވެސް ހެޔޮކަން ބޮޑުވެގެންވާ ރެއެކެވެ. އެއީ ކީރިތި ޤުރުއާން ބާވައިލެއްވުނު ރެއެވެ.
ﷲ ތަޢާލާ ވަޙީކުރެއްވިއެވެ.
(شهر رمضان الذي انزل فيه القران) (سورة البقرة)
މާނައީ: "ރަމަޟާން މަހަކީ އެ މަހެއްގައި ޤުރުއާން ބާވައިލެއްވި މަހެވެ."
އަދިވެސް ވަޙީކުރެއްވިއެވެ.
(انا انزلناه فى ليلة القدر) (سورة القدر)
މާނައީ:" ހަމަކަށަވަރުން ތިމަން އިލާހު އެ (އެބަހީ: ކީރިތި ޤުރުއާން) ބާވައިލެއްވީ ލައިލަތުލް ޤަދްރި (އެބަހީ: ނިޔާ ކަނޑައަޅުއްވާ ރޭ) ގައެވެ."
އެއީ ބަރަކާތްތެރި ރެއެކެވެ. ﷲ ތަޢާލާ ވަޙީކުރެއްވިއެވެ.
(انا انزلناه في ليلة مباركة) (سورة الدخان)
މާނައީ:" ހަމަކަށަވަރުން ތިމަން އިލާހު އެ (އެބަހީ: ކީރިތި ޤުރުއާން) ބާވައިލެއްވީ ބަރަކާތްތެރިވެގެންވާ ރެޔެއްގައެވެ."
ލައިލަތުލް ޤަދްރީގެ މާނަ-
ޢަރަބި ބަހުގައި ليلة ގެ މާނައަކީ: ރެއެވެ.
އަދި القدر ގެ މާނައަކީ: ނިޔާއެވެ.
އަދި މި ދެލަފްޒު އެއްކޮށްލުމުން އޭގެ މާނައަކީ: ނިޔާ ކަނޑައަޅުއްވާ ރެއެވެ.
އެރެއަށް އެފަދައިން ނަންދެވުނީ އެ ރެއަކީ އެ އަހަރުގައި ހިނގާނޭ ކަންތައްތަކުގެ ނިޔާފުޅު ﷲ ތަޢާލާ ކަނޑައަޅުއްވާ ރޭކަމުގައި ވާތީއެވެ."
ﷲ ތަޢާލާ ވަޙީކުރެއްވިއެވެ.--- މާނައީ: " އެ ރޭގައި ބަދަލުވުމެއް ނުވާނޭހެން ކޮންމެކަމެއް ކަނޑައަޅުއްވައެވެ."
- މަޢުލޫމާތު: ދިސަލަފިއްޔާގެ ފޮތަކުން
ލިޔުމުގެ އިތުރުބައިތައް:
ލިޔުމުގެ އިތުރު ބައިތައް:
