ފުލުހުންގެ އިންސްޕެކްޓާ އިސްމާއިލް ނަދީމް ސޮއިކުރައްވައި މަހުލޫފަށް ފޮނުއްވި ޗިޓުގައިވާ ގޮތުން، ފުލުސް އޮފީހަށް ހާޒިރުވުމަށް މަހުލޫފަށް އަންގާފައިވަނީ މާދަމާ މެންދުރު ފަހު 15:00 ގައެވެ.
މަހުލޫފު މިއަދު ކުރެއްވި ޓްވީޓެއްގައި ވިދާޅުވީ ޓްވީޓެއް ކޮށްގެން ފުލުސް އޮފީހަށް ހާޒިރުވާން ޗިޓު ލިބިއްޖެކަމަށާއި ފުލުސް އޮފީހަށް ހާޒިރުވާނީ ވަރަށް ކެރިގެން ކަމަށެވެ. އަދި ހައްޔަރުކޮށްގެން ޖަލަށް ލިޔަސް ފަހަތަކަށް ނުޖެހޭނެކަމަށާއި އިރާދަކުރެއްވިއްޔާ (ރައީސް ޔާމީންގެ ސަރުކާރު) ހަމަ ބަލިކުރާނެކަމަށެވެ.
މަހުލޫފުގެ އިތުރުން ރައްޔިތުންގެ މަޖިލީހުގެ ތިމަރަފުށި ދާއިރާގެ މެންބަރު މުހައްމަދު މުސްޠަފާ ވެސް ވަނީ ރާއްޖެ ޓީވީގައި ދެއްކެވި ވާހަކައަކާ ގުޅިގެން ފުލުސް އޮފީހަށް ހާޒިރުވާން އަންގައިފައެވެ.
އަދި ބައެއް ރައްޔިތުންގެ މަޖިލީހުން މެންބަރުން ވަނީ ރިޝްވަތުގެ ތުހުމަތުތަކަކާއި ސަރުކާރު ވައްޓާލަން މަސައްކަތްކުރިކަމުގެ ތުހުމަތުގައި ހައްޔަރުކޮށްފައެވެ. އޭގެ ތެރޭގައި ހިމެނެނީ ދިއްގަރު ދާއިރާގެ އަހުމަދު ފާރިސް މައުމޫނާއި، މަންޗަންގޯޅި ދެކުނު ދާއިރާގެ މެންބަރު ޢަބްދުﷲ ސިނާންއާއި، ދަނގެތި ދާއިރާގެ މެންބަރު އިލްހާމް އަހުމަދުއެވެ.
Tweet eh kohgen maadhamaa 15:00 ah @PoliceMv ah haasiruvaan alhugandah chit eh libijje. Haasiruvaanee hama varah kerigen,hayyarukoh jalah liyas fahathah jehumeh neiy. Iraadhakureviyya hama balikuraanan @Raajje_tv @vaavu @vfp_mv @Sangu_tv @avasmv @Mihaarunews pic.twitter.com/CzaY1ntQ2l
— Ahmed Mahloof (@AhmedMahloof) February 14, 2018
