ނ. ވެލިދޫ ޕޮލިސް ސްޓޭޝަނުން ހިންގި އޮޕަރޭޝަނެއްގައި، މަސްތުވާތަކެތި ހޯދައި، އެތަކެތި ފުލުހުންގެ ބެލުމުގެ ދަށަށް ގެންގޮސްފައެވެ.
މިތަކެތި ހޯދާފައިވަނީ ވެލިދޫ އަށް މަސްތުވާތަކެތި އެތެރެކުރާކަމަށް ފުލުހުންގެ އިންޓެލިޖެންސަށް ލިބުނު މަޢުލޫމާތަކާއި ގުޅިގެން، ފެބްރުއަރީ 24ވަނަ ދުވަހު ވެލިދޫ ޕޮލިސް ސްޓޭޝަނުން ހިންގި އޮޕަރޭޝަނެއްގައި، ވެލިދޫއަށް އައި ބޯޓަކުން އެރަށް ބޭލި ފޮށިގަނޑެއްގެ ތެރެއިންނެވެ. މި ފޮށިގަނޑު ބަލައިފާސްކުރިއިރު ފޮށިގަނޑުތެރެއިން ފެނުނު ފޮތެއްގެ ތެރެއިން މަސްތުވާތަކެތިކަމަށް ޝައްކުކުރެވޭ އެއްޗެއްހުރި ފިލްމު ހުސްކުރި ދަޅެއް ފެނިފައިވެއެވެ.
މިިމައްސަލައާއި ގުޅިގެން މީހަކު ހައްޔަރު ކޮށްފައެއް ނުވެއެވެ. ނަމަވެސް މި މައްސަލަ ވެލިދޫ ޕޮލިސް ސްޓޭޝަނުން ދަނީ ތަހުޤީޤު ކުރަމުންނެވެ.
ވެލިދޫގައި ފުލުހުން ހިންގި އޮޕަރޭޝަނެއްގައި ފޮތެއް ގެ ތެރެއިން މަސްތުވާތަކެތި ހޯދައިފި
