ރައްޔިތުންގެ މަޖިލީހުގެ ގޮނޑި ގެއްލިއްޖެ ކަމަށްބުނި 12 މެމްބަރުންނާއިއެކު ކުރީގެ ރައީސް ނަޝީދު ބައްދަލު ކުރައްވައިފިއެވެ.
ރައީސް ނަޝީދު 12 މެމްބަރުންނާއި ބައްދަލު ކުރައްވާފައި ވަނީ އެމްޑީޕީ އޮފީހުގައި ބޭއްވި ހާއްސަ ބައްދަލުވުމެއްގައެވެ. ރައީސް ނަޝީދު މި 12 މެމްބަރުންނާއި ބައްދަލު ކުރައްވާފައިވާއިރު، މިއަދު ހެނދުނުގެ ވަޤުތެއްގައި އެމަނިކުފާނު ވަނީ ރައްޔިތުން މަޖިލީހުގެ ރައީސް އަދި ޖޭޕީގެ ލިޑަރ ގާސިމް އިބްރާހިމާވެސް ބައްދަލު ކުރައްވާފައެވެ.
މީގެ އިތުރުން، ރައީސް ނަޝީދު ވަނީ ޝެއިހް އިމްރާން އާއިވެސް ބައްދަލު ކުރައްވާފައެވެ.
