މިއީ މިއަދު ހެނދުނު 11:30 ހައިއިރު މަޖީދީމަގުގައި ހިނގާފައިވާ ކަމެކެވެ. އުނަގަނޑުން ތިރި ހާމައަށް ދައްކައިގެންހުރެ އޭނާވަނީ އެދުން ފުއްދައިފައެވެ. މަންޒަރު ދުށް މީހަކު ބުނީ އޭނާއަކީ ބިދޭސީއެއް ކަމަށް ވެދާނެ ކަމަށާއި މަންޒަރު ފެނުނު މީހުން ކުރި ކަމަކީ ހުނުމާއި ފޮޓޯ ނެގުމާއި ވީޑިއޯކުރުން ކަމަށެވެ.
ފުލުހުންގެ މީޑިއާ އޮފިޝަލް ވިދާޅުވީ ބަރަހަނާކޮށް މީހަކު އެސަރަހައްދުގައި އުޅޭތީ ފުލުހުން ދިއައިރު އޭނާ ގެއަށް ވަދެފައިވާ ކަމަށެވެ. މިފަދަ ޢަމަލެއް މަގުމަތީގައި ހިންގުމުން އެޅި ފިޔަވަޅަކީ ކޮބައިތޯ ސުވާލުކުރުމުން ވިދާޅުވީ ބަލަންޖެހޭ ކަންކަން ބަލަމުން ގެންދާ ކަމަށެވެ.
ސައްތައިން ސައްތަ މުސްލިމް ޤައުމެއް ކަމަށް ޤާނޫނުގައި ބުނާ ދިވެހިރާއްޖޭގެ ވެރިރަށް ފުރަމާލޭގެ މަގުމަތީގެ ޙާލަތު މިހިސާބަށް ދިއުމުން ފަހު ޚުޠުބާގައި ވެރިނަނަށް ނަޞްރު ދެއްވުން އެދި މިކުރެވޭ ދުޢާ އާއިމެދު ވިސްނާލަންޖެހިފައިވާކަން ފާހަގަކުރެވެއެވެ. ގިނަ ބައަކު މިހާރުވެސް ވަނީ އެދުޢާއަށް އާމީން ކިޔުން ހުއްޓާލައިފައެވެ. އެއީ ނަޞްރު ދެއްވެވުމުން ފައުޅުކަން ބޮޑު ގޮތެއްގައި މިހިނގާ ކަންކަމުގެ ޒިންމާ އުފުލަންޖެހޭނެތީކަމަށް ބައެއް މީހުން ބުނެފައިވެއެވެ.
