އދ. މަހިބަދޫގެ ގެއެއްގައި ރޯވި އަލިފާންގަނޑު ނިއްވާލައިފިއެވެ.
ފުލުހުންގެ މީޑިއާ އޮފިޝަލް ވިދާޅުވީ މިރެ 19:21 ހާއިރު މަހިބަދޫގެ ގެއެއްގައި ރޯވި އަލިފާންގަނޑު ނިއްވާލެވިފައިވަނީ މިރޭ 19:40 ހާއިރު ކަމަށެވެ.
މިހާދިސާގައި އެއްވެސް މީހަކަށް ގެއްލުމެއް ލިބިފައިނުވާއިރު، އަލިފާން ރޯވީ އެގޭ ގޯތިތެރޭގައި ހުރި ގޯނި، ފައިބަރމެޓް ކަހަލަ އެއްޗެއްގައި ކަމަށް ފުލުހުން ވިދާޅުވެފައިވެއެވެ.
މަހިބަދޫގެ ގެއެއްގައި ރޯވި އަލިފާންގަނޑު ނިއްވާލުމަށް ފުލުހުންގެ އިތުރުން އެރަށުގެ ރައްޔިތުން ވެސް ހަރަކާތްތެރިވެފައިވެއެވެ.
