ރައީސް އިބްރާހިމް މުޙައްމަދު ޞާލިޙާއި ކުރީގެ ރައީސް މައުމޫން އަބްދުލްޤައްޔޫމް މިއަދު ބައްދަލު ކުރައްވައިފިއެވެ.
ރައީސް އޮފީހުގައި ބޭއްވުނު މިބައްދަލުވުން ހާމަ ކުރައްވަމުން ރައީސް މައުމޫން ކުރެއްވި ޓްވީޓެއްގައި ވިދާޅުވެފައިވަނީ ސަރުކާރު ކޯލިޝަން ދަމަހައްޓާ ވަރުގަދަ ކުރެއްވުމަށް ރައީސް ޞާލިޙު ވެވަޑައިގެންނެވި ވައުދުފުޅަށް ޝުކުރު އަދާ ކުރައްވާ ކަމަށެވެ.
މީގެއިތުރުން، މިބައްދަލުވުމުގައި މިއަދު މަޝްވަރާ ކުރެވުނު ކަންކަމާއި ބެހޭގޮތުން ދެބޭފުޅުންނަށް ވެސް އެއްބަސްވެ ވަޑައިގަތުމުން، އެކަމާއި ނުހަނު ހިތްހަމަޖެހި ވަޑައިގަންނަވާ ކަމަށް ވެސް ރައީސް މައުމޫން ވިދާޅުވެފައިވެއެވެ.
ރައީސް މައުމޫން އެންމެ ފަހުން ރައީސް އިބްރާހިމް މުޙައްމަދު ޞާލިޙާއި ބައްދަލު ކުރައްވާފައިވަނީ މިދިޔަ މަހުގެ 12 ވަނަ ދުވަހުއެވެ. ކޯލިޝަން ދަމަހައްޓަވާނެ ކަމަށް އެދުވަހުވެސް ރައީސް ޞާލިޙު ވަނީ ވައުދުވެ ވަޑައިގެންފައެވެ.
Thank you President YE @ibusolih for the honour and privilege of meeting you today and for your commitment to maintain and strengthen the Coalition. I am extremely happy that we had total agreement on all issues discussed. pic.twitter.com/QM5E3xsVMB
— Maumoon Abdul Gayoom (@maumoonagayoom) April 16, 2019
