ސްރީ ލަންކާގައި ބޮމުގެ ޙަމަލާތައް ދިނުމުގައި އެއްވެސް ދިވެއްސެއް ބައިވެރިވެފައިނުވާކަމަށް އެންސީޓީސީން ބުނެފިއެވެ.
އެ ސެންޓަރުން ކުރި ޓްވީޓެއްގައި ބުނެފައިވަނީ، އަވަށްޓެރި ޝްރީލަންކާ އަށް އިއްޔެ ދިން ބޮމުގެ ހަމަލާތަކުގައި އެއްވެސް ދިވެއްގެ ބައިވެރިވުމެއް ނުވާކަން، ބައިނަލްއަޤްވާމީ ފަރާތްތަކުންވެސް ވަނީ ކަށަވަރުކޮށްދީފައި ކަމަށެވެ.
މީގެއިތުރުން އެފަދަ ދޮގު މަޢުލޫމާތު ނުފެތުރުމަށާއި ޒިންމާދާރުވުމަށް ވެސް އެސެންޓަރުން އިލްތިމާސްކޮށްފައިވެއެވެ.
އިތުރު މައުލޫމާތެއް އޮޅުންފިލުވަން ބޭނުންނަމަ 1615 އަށް ގުޅުއްވުމަށް ވެސް އެންސީޓީސީ އިން އެދިފައިވެއެވެ.
ލަންކާއަށް ދިން ބޮމުގެ ހަމަލާއާއި ގުޅިގެން ބައެއް ފަރާތްތަކުން ދަނީ އެކަމާއި ރާއްޖެއާއި ގުޅުމެއްވާ ކަމަށް ބުނަމުންނެވެ. އެގޮތުން އިއްޔެގެ އެހަމާލާއާއި ގުޅުގެން ހައްޔަރު ކުރެވުނު އެކަކު ކަމަށްވާ ޒަހްރާން ހާޝިމް 2016 ވަނަ އަހަރުން ފެށިގެން ރާއްޖޭގައި ދިރިއުޅުނު ކަމަށްބުނެ މީހަކު ކުރި ޓްވީޓަކަށް، އޭނާއާއި އެއްބަސްވާފަދަ ގޮތަކަށް ބައެއް ދިވެހީންވަނީ ރައްދު ދީފައެވެ.
Our local and international partners assure us there’s no truth as of yet to the claims linking Maldives to yesterday's terrorist attack in Sri Lanka. We urge all to be responsible and refrain from sharing unverified information. For queries please call our Hotline at 1615.
— NCTC Maldives (@NCTCMaldives) April 22, 2019
