ރޭ ފަތިހުން ފެށިގެން ހދ. މަކުނުދޫ އަށް ވިއްސާރައިގެ ސަބަބުން އެރަށުގެ ދެ ގެއެއްގެ ފުރާޅުގެ ޓިނުތަކެއް ވަޔާ އެއްލާލައިފިއެވެ.
ފުލުހުންގެ މީޑިއާ އޮފިޝަލު ވިދާޅުވީ ވިއްސާރަވެ ވައިގަދަވުމުގެ ސަބަބުން އެރަށުގެ ދެ ގެއެއްގެ ފުރާޅުން ޓިނުތަކެއް އެއްލާލައިގެން ފުލުހުންނަށް ރިޕޯޓު ކޮށްފައިވަނީ މިއަދު ހެނދުނު 8:00 ހާއިރު ކަމަށެވެ.
މީގެއިތުރުން އެރަށު ސްކޫލްގެ ފާރު މައްޗަށް ގަހެއް ވެއްޓިފައިވާ ކަމަށް ވެސް ފުލުހުން މައުލޫމާތު ދެއްވާފައިވެއެވެ.
މިހާދިސާތަކާއި ގުޅިގެން ފުލުހުން ވަނީ އެހީތެރިކަން ފޯރުކޮށްދެއްވާފައެވެ.
