ރާއްޖެއަށް މިހާރު ކުރަމުންދާ ވިއްސާރައިގައި، އައި ކޮޅިގަނޑެއްގައި ވައި ގަދަވުމުގެ ސަބަބުން ހއ. އިހަވަންދޫެ ހުސް ގެވަޅެއްގައި ހުރި ބޮޑު ބަނބުކެޔޮ ގަހެއް ވެއްޓިއްޖެއެވެ.
ފުލުހުންގެ މީޑިއާ އޮފިޝަލު ވިދާޅުވީ، އެގަސް ވެއްޓިފައިވާކަމުގެ މައުލޫމާތު ފުލުހުންނަށް ލިބިފައިވަނީ މިއަދު ހެނދުނު 11:00 ހާއިރު ކަމަށެވެ.
މީގެއިރުތުން ވައިގަދަވުމުގެ ސަބަބުން ހއ. ދިއްދޫ ކުނިގޮނޑު ސަރަހައްދުގައި ހުރި ހަރުގެއެއްގެ ފުރާޅު، އެހަރުގެ ކައިރީގައި ހުރި ލޯންޗެއްގެ މައްޗަށް ވެއްޓިފައިވާ ކަމަށް ވެސް ފުލުހުން މައުލޫމާތު ދީފައިވެއެވެ. މިހާދިސާގެ މައުލޫމާތު ފުލުހުންނަށް ލިބިފައިވަނީ މިއަދު ހެނދުނު 10:35 ހާއިރު ކަމަށް ވެސް އޮފިޝަލު ވިދާޅުވެފައިވެއެވެ.
މިދެހާދިސާގައި ވެސް އެއްވެސް މީހަކަށް އަނިޔާއެއް ލިބިފައެއް ނުވެއެވެ.
