އިންޓްރޕާލަމެންޓްރީ ޔޫނިއަން (އައިޕީޔޫ) އިން ބާއްވާ "ފޯރތު ސައުތު އޭސިއަން ސްޕީކަރސް ސަމިޓް" މިއަހަރުގެ ސެޕްޓެމްބަރު މަހުގެ 1 ވަނަ ދުވަހުން 3 ވަނަ ދުވަހަށް ރާއްޖޭގައި ބާއްވަން އައިޕީޔޫ އިން ނިންމައި ކުރިއަށް ހުރި އިވެންޓްތަކުގެ ތާވަލުގައި ތާވަލުކޮށްފިއެވެ.
މިކަމާއި ގުޅިގެން މަޖިލީހުގެ މީޑިއާ ޑިރެކްޓަރު ޒިޔާއު މިއަދު ވިދާޅުވީ މި ބައްދަލުވުމުގައި ބައިވެރިވާނީ ސާރކު ޤައުމުތަކުގެ އިތުރުން މިޔަންމާގެ ޤާނޫނު ހަދާ މަޖިލީހުގެ ވެރިން ކަމަށެވެ.
ޒިޔާއު ވިދާޅުވީ ރާއްޖޭގައި ބާއްވަން ހަމަޖެއްސި ނަމަވެސް ބާއްވާނެ ވަކި ތަނެއް ކަނޑައަޅާފައި ނުވާނެ ކަމަށެވެ.
