މިރޭ ހިނގައި ދިއަ އަލިފާނުގެ ހާދިސާގައި ފިހިފައިވަނިކޮށް ފެނިފައިވާ ހަށިގަނޑު ފިހިފައިވާލެއް ބޮޑުކަމުން ކާކުކަން ދެނެގަންނަން އުނދަގޫ ކަމަށް އެމްއެންޑީއެފް އިން ބުނެފިއެވެ.
އެމްއެންޑީއެފުން ބުނީ އެއްވެސް އިތުރު މީހަކު ގެއްލިފައިވާކަމުގެ މައުލޫމާތު ލިބިފައި ނުވާ ކަމަށެވެ.
މިރޭ މާލޭގައި ހިނގާފައިވާ އަލިފާނުގެ ހާދިސާ އާއި ގުޅިގެން ނިޔާވި ޢައިޝަތު ޝައުނާ އަށްޓަކައި ހަމަ އެންމެންވެސް ދަނީ ހެޔޮ ދުޢާ ކުރަމުންނެވެ. ރާއްޖޭގެ އެންމެ އިސް ގިނަ އަދަދެއްގެ ދީނީ ޢިލްމުވެރިން ވެސް ވަނީ ޝައުނާއަށްޓަކައި ހެޔޮ ދުއާކުރައްވައިފައެވެ.
މީހަކު މަރުވުމުން އެމީހަކަށްޓަކައި ގިނަ ބައަކު ހެޔޮ ދުޢާ ކުރުމަކީ އެމީހެއްގެ ފުރާނައަށް ހެޔޮ ރަޙްމަތް ލެއްވެވުމަށް އޮތް ސަބަބެއް ކަމަށް ދީނީ ޢިލްމުވެރިން ބަޔާން ކުރައްވައެވެ.
