ކ. ތުލުސްދޫ ކުޑަވިލިނގިލި ކައިރީގައި އޮތް ބޭރުގެ އުޅަނދެއްގައި އަލިފާން ރޯވެއްޖެއެވެ.
އަލިފާން ރޯވީ ސަފާރީއެއްގައި ކަމަށް ކުރިން އެމްއެންޑީއެފް އިން މައުލޫމާތު ދިއްވި ނަމަވެސް، ފަހުން ވިދާޅުވީ އަލިފާންރޯވީ ޔޮޓެއްގައި ކަމަށެވެ.
މިހާދިސާގެ މައުލޫމާތު ލިބިފައިވަނީ މިއަދު ފަތިހު 5:42 ހާއިރެވެ.
މިހާދިސާ ހިނގިއިރު އެޔޮޓުގައި ތިބީ އޮސްޓްރޭލިއާގެ ތިން މީހެއް ކަމަށާއި، އެހެން އުޅަނދަކަށް އެވަގުތު އެމީހުން ނެގި ކަމަށް އެމްއެންޑީއެފް އިން މައުލޫމާތު ދެއްވައެވެ. އެމީހުންނަށް ސީރިއަސް އަނިޔާއެއް ލިބިފައެއް ނުވެއެވެ.
އަޕްޑޭޓް: ޔޮޓުގައި ރޯވި އަލިފާންގަނޑު ކޮންޓްރޯލް ކުރުމަށް މިވަގުތު ދަނީ ފޯމް ބޭނުން ކުރަމުންނެވެ.
އަޕްޑޭޓް: އަލިފާން ރޯވި ޔޮޓް 9:32 ހާއިރު އަޑިއަށް ހިނގައްޖެކަމަށް އެމްއެންޑީއެފް އިން ވިދާޅުވެއްޖެއެވެ.
