ރައީސް މުޙައްމަދު ނަޝީދުގެ ވެރިކަމުގައި ވަނީ ރާއްޖޭގައި ފައްޅި އެޅުމަށާއި މިހާރު އެމަނިކުފާނު އެންމެ ކަންބޮޑުވެވަޑައިގެން އުޅުއްވާ އަންހެން ކުދިން ޚިޠާނުކުރުމާއިމެދު ވެސް އިސްލާމިކް މިނިސްޓްރީގެ ލަފައަށް އެދިފައެވެ.
ނަމަވެސް މިހާރު މިފެންނަނީ ހެލްތް ޕްރޮޓެކްޝަން އެޖެންސީ (އެޗްޕީއޭ) އިން އަންހެން ކުދިން ޚިތާނު ކުރުމާއިބެހޭ ގޮތުން އިސްލާމިކް މިނިސްޓްރީން ލަފައަކަށް އެދުމުން އެ މިނިސްޓްރީން އިސްލާމީ ކަންތައްތަކާއި ބެހޭ އެންމެ މަތީ މަޖިލީހުގެ ލަފައަކަށް އެދިފައިވާތީ އެލެކްސްގެ ބައިވެރިން އިންތިހާއަށް ކަންބޮޑުވެގެން ތެޅިފޮޅޭތަނެވެ.
ރައީސް މުޙައްމަދު ނަޝީދުގެ ވެރިކަމުގައި ރާއްޖޭގައި ފައްޅި އެޅުމާއި ބެހޭ ގޮތުން ލަފައަކަށް އެދުމުގެ އިތުރުން އަނހެން ކުދިން ޚިޠާނުކުރުމާއިބެހޭ ގޮތުން ލަފައަކަށް އެދުނުކަން އިސްލާމިކް މިނިސްޓްރީން ވަނީ ޔަޤީންކޮށްދީފައެވެ. އެއިރުގެ އިސްލާމިކް މިނިސްޓަރ ޑރ. ޢަބްދުލްމަޖީދު ޢަބްދުލްބާރީ ވަނީ އެކަން އެތައް ފަހަރަކު ހާމަކުރައްވައިފައެވެ.
މީގެ އިތުރުން ރާއްޖޭގައި ފައްޅި އަޅަން ބޭނުންވާ ޤައުމެއްގެ ސަފީރު ވެސް ވަނީ ޑރ. ޢަބްދުލްމަޖީދުގެ އަރިހަށް ލަފާ ހޯދަން ފޮނުވާފައެވެ. މިއިން އެއްވެސް ކަމަކާއި ކަންބޮޑުވި މީހަކު ނުފެނެއެވެ.
ޝައިޚް ޢަލީ ޒައިދު ވިދާޅުވީ އަންހެން ކުދިން ޚިތާނު ނުކުރެވިގެން ބައަކު ނުއުޅޭ ކަމަށާއި މިއިން ޒަމާނަކުވެސް ރާއްޖޭގައި އެކަން ނުކުރާކަމަށެވެ.
މީގެ އިތުރުން މިކަމުގެ ވާހަކަތައް ބޮޑުކޮށްގެން ދައްކަނީ ރާއްޖޭގައި އަންހެން ކުދިން ޚިތާނުކުރި ޒަމާނުގައިވެސް އެކަން ކުރީ ކުއްޖާއަށް އެއްވެސް އަނިޔާއެއް ނުލިބޭނެ ފަދަ ލުއި ފަސޭހަ ގޮތަކަށްކަންވެސް ކަންބޮޑުވާ މީހުންނަށް އެނގޭކަމަކަށް ނުވެއެވެ. ނުވަތަ އެނގޭކަމަށް ހަދާކަށްވެސް ބޭނުމެއް ނުވެއެވެ.
އެހެންކަމުން ބޭނުންވެގެން މިއުޅެނީ ކޮންމެވެސް އެއްޗެކޭ ކިޔައިގެން އިސްލާމް ދީނަށް އެއްޗެތި ގޮވުންކަމާއިމެދު ޝައްކުކުރަން މިހާރު އެއްވެސް ޖާގައެއް ނެތެވެ! ސަރުކާރުގެ ޞިއްހީ އިދާރާއަކުން ޞިއްހަތާއި ގުޅުންހުރި ކަމެއްގައި ލަފައަކަށް އެދުމުން އެ ލަފާ ހޯދަން އެދުމަކީ ކުށަކަށް ހަދާ މީހުންނަށް ރާއްޖޭގައި އިސްލާމް ދީން އޮތުމަކީވެސް ކުށަކަށްވާކަން މިކަމުން ވަރަށް ރަނގަޅަސް އެނގިގެންދެއެވެ.
Islamic Minister Dr.Zaahir ah bayaku ehchihi kiyaakah nujehey! Myhaku noolhey anhen kudhin khithaan nukurevigen!! Raajje ga myn zamaanakuves ekameh nukurey!
— Ali Zaid (@alizaid1000) January 23, 2020
HPA in Ministry ge lafayakah edhunyma procedure follow kurahvaa Fatwa Majilis ga lafayakah edhilehvy! Vaanuvaa ballavaa!
