އާރޓިކަލްކިޔުމަށް ހޭދަވާނެކަމަށް ބެލެވެނީ : 1 މިނެޓް, 19 ސިކުންތު
ރައްޔިތުންގެ މަޖިލީހުގެ މެންބަރުކަމަށް ޢަބްދުﷲ ރިޔާޟް ހޮވަން ވޯޓުދޭއިރު ވިސްނަން ޖެހޭ ވަރަށް ގިނަ ކަންތައްތަކެއް އެބަހުރި ކަމަށާއި އެއިގެ ތެރެއިން ވިސްނައިލުން އެންމެ މުހިންމު އެއް ކަމަކީ ނިމިގެންދިއަ ދައުރުގައި މަޖިލީހުގަ ނެގި ރައްޔިތުން ކަންބޮޑުވާ އެއްވެސް ބިލަކަށް ވޯޓު ދެއްވިތޯ؟ ކަމަށް ކުރީގެ ޓޫރިޒަމް މިނިސްޓަރ ޑރ. ޝައުޤީ ވިދާޅުވެއްޖެއެވެ.
މިރޭ ތިމަރަފުށީގައި ބޭއްވި ޢަބްދުﷲ ރިޔާޟްގެ ކެންޕޭނު ޖަލްސާގައި ޑރ. ޝައުޤީ ވިދާޅުވީ އެފަދަ އެއްވެސް ބިލަކަށް ޢަބްދުﷲ ރިޔާޟް ވޯޓު ދެއްވާފައި ނުވާ ކަމަށާއި ވޯޓު ދެއްވާފައި ނުވުމުން ޢަބްދުﷲ ރިޔާޟަކީ ކޮންމެ ޙާލަތެއްގައިވެސް ޤައުމު އިސްކުރައްވައިގެން ނިންމެވުންތައް ނިންމަވާ ބޭފުޅެއް ކަމަށެވެ.
ޑރ. ޝައުޤީ ވިދާޅުވީ ޢަބްދުﷲ މަޖިލީހުގައި މަސައްކަތް ކުރައްވާފައިވަނީ ވަކި ޕާޓީއެއް އަދި ވަކި ލީޑަރެއް ބޭނުންފުޅުވާ ގޮތަށްވެސް ނޫން ކަމަށާއި އަމިއްލަފުޅަށް ވިސްނަވައިގެން ޤައުމަށް އެންމެ ފައިދާ ބޮޑުވާނެ ގޮތަށް ކަމަށްވުމުން ޢަބްދުﷲ ރިޔާޟްގެ ޚިދުމަތުގެ އަގު މިވަނީ އެނގިފައި ކަމަށެވެ.
ޑރ. ޝައުޤީ ވަނީ މެންބަރުން މަޖިލީހުގައި ރައްޔިތުންނަށް އިޚްލާޞްތެރިކަން އަދާކުރި މިންވަރަށް ބަލައިގެން މެންބަރުން އިންތިޚާބުކުރުމަށް އެދިވަޑައިގެންފައެވެ.
Advertisement
18 މާޗް 2019