ސްކޫލް ތަކާއި ހޮސްޕިޓަލް ފަދަ ޚިދުމަތް ދޭ ތަންތަނަށް ގަދަބާރުން ވަދެ ހަމަނުޖެހުން ހިންގުމަކީ ސިޔާސީ ހަރަކާތް ހިންގުން ނޫން ކަމަށާއި އެފަދަ ތަންތަނުގެ ސަލާމަތާއި ރައްކައުތެރިކަމަކީ އެންމެ އިސްކަން ދޭންޖެހޭ ކަންކަން ކަމަށް ހޯމް މިނިސްޓަރ ޝައިޚް އިމްރާން ޢަބްދުﷲ ވިދާޅުވެއްޖެއެވެ.
ހޯމް މިނިސްޓަރ މިފަދަ ޓްވީޓެއް ކުރައްވާފައި ވާއިރު ރައީސް ޔާމީން އަިއަިޖީއެމްއެޗްގެ ކާޑިއެކް ސެންޓަރުގައި އިއްޔެ އެޑްމިޓްކޮށްފައިވަނިކޮށް ރައީސް ޔާމީނުގެ ސަޕޯޓަރުން ކަމަށް ބުނާ ބައަކު އިއްޔެ ހަވީރު ވަނީ އެތަނަށް ގަދަކަމުން ވަންނަން މަސައްކަތްކޮށްފައެވެ. އެކަން ނުކުރަން ފުލުހުން ތަކުރާރުކޮށް ނަޞޭހަތްތެރިވުމުން ވެސް ޤަބޫލުނުކުރުމުން ފުލުހުން ވަނީ ޕެޕަރ ސްޕްރޭ ޖަހައިފައެވެ.
"ސްކޫލް އަދި ހޮސްޕިޓަލް ފަދަ ޚިދުމަތް ދޭ ތަންތަނަށް ގަދަބާރުން ވަދެ ހަމަނުޖެހުން ހިންގުމަކީ ސިޔާސީ ހަރަކާތް ހިންގުމެއް ނޫނެވެ. އެފަދަ ތަންތަނުގެ ސަލާމަތާއި ރައްކައުތެރިކަމަކީ އެންމެ އިސްކަން ދޭންޖެހޭ ކަންކަމެވެ. އަމަލުކުރަން އޮންނަ އުޞޫލުން ބޭރުން ކަމެއް ހިނގާފައިވާނަމަ އެކަމެއް ޙައްލުކުރާނަމެވެ. އިން ޝާ ﷲ!"
School adhi hospital fadha khidhumayi dheythanthanah gadhabaarun vadhe, hamanujehun hingumakee siyaasee harakaayi hingumehnoon.Efadha thanthanuge salaamathaa rahkaatherikamakee emme iskandheeyne kankan. Amalukuran onna usoolun beyrun kameh hingaafaivaanama ekameh hallukuraanan IA
— Imran Abdulla (@ShimranAb) February 21, 2019
