ހުޅުމާލޭގެ ދެވަނަ ފިޔަވަހީގެ ހިޔާ ޓަވަރުތަކުގައި މުހިންމު މަސައްކަތެއް ކުރުމަށް މާދަމާ 30 މިނެޓަށް ކަރަންޓު މެދުކެނޑުމަކީ އެކަށީގެންވާ ކަމެއް ކަމަށް ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން ބުނެފިއެވެ.

މިމަސައްކަތުގެ ތެރެއިން، މާދަމާ (13 އެޕްރީލް 2025) އާދީއްތަ ދުވަހު ހިޔާގެ ފުރަތަމަ ޓަވަރުގައި މަސައްކަތް ކުރުމަށް ހަމަޖެހިފައިވާ ކަމަށާއި
މާދަމާގެ ހެނދުނު 9:00 އިން ހަވީރު 17:00 އާ ދެމެދު، ހިޔާގެ ފުރަތަމަ ޓަވަރުގެ ކޮންމެ އެޕާޓްމަންޓަކުންވެސް ގާތްގަނޑަކަށް 30 މިނެޓަށް ކަރަންޓުގެ ޚިދުމަތް މެދުކެނޑުމަކީ އެކަށީގެންވާ ކަމެއްކަމަށް ސްޓެލްކޯގެ އިން ބުނެފައިވެއެވެ.

މި މަސައްކަތަކީ އެކި ދުވަސްތަކަށް ޓަވަރުތައް ބަހާލައިގެން ކުރިއަށް ގެންދާނެ މަސައްކަތެއް ކަމަށާއި މި މަސައްކަތުގެ ސަބަބުން ރައްޔިތުންނަށް ދިމާވާނެ ދަތިތަކަށް މަޢާފަށް އެދޭ ކަމަށް ސްޓެލްކޯއިން ބުނެފައިވެއެވެ.