ކުރީގެ ރައީސް މައުމޫން ސިންގަޕޫރަށް ކުރެއްވި ދަތުރުފުޅު ކުރުކޮށްލެއްވުމަށްފަހު ރާއްޖެ ވަޑައިގެންފި.

ކުރީގެ ރައީސުލްޖުމްހޫރިއްޔާ އަލް އުސްތާޛު މައުމޫން ޢަބްދުލްޤައްޔޫމް ސިންގަޕޫރަށް ކުރެއްވި ދަތުރުފުޅު ކުރުކޮށްލެއްވުމަށްފަހު ރާއްޖެވަޑައިގެންފިއެވެ. އެމަނިކުފާނު ރާއްޖެވަޑައިގެންނެވީ މިރޭގެ ސިންގަޕޯ އެއަލައިންސުންނެވެ..

އެމަނިކުފާނުގެ މިދަތުރުފުޅު ކުއްލިގޮތަކަށް ނިންމަވާޅެއްވުމަށްފަހު ރާއްޖެވަޑައިގަންނަވާ ސަބަބު ސާފުވާގޮތްވަނީ ނުވެފައެވެ.

ނަމަވެސް އެމަނިކުފާނު މިރޭ ވަޑައިގަންނަވާއިރު، އެމަނިކުފާނުގެ ދަރިކަލުން އަދި ދިއްގަރު ދާއިރާގެ މެމްބަރ އަހްމަދު ފާރިސް މައުމޫނުގެ މައްޗަށް އުފުލާފައިވާ ސަޚްޝު އޮޅުވާލުމުގެ ދައުވާގެ ޝަރީޢަތްވަނީ އަންނަ ހޯމަ ދުވަހަށް އަވަސްކޮށްފައެވެ.