ބޭނުންވާނެ ތަކެތި:
▪︎ 6 އަލުވި (ކައްކާފަ)
▪︎ 1 ގިތެޔޮމިރުސް
▪︎ 1 ބޮޑުފިޔާ (ކުދިކޮށް ކޮށާފަ)
▪︎ 1 ދަޅުމަސް
▪︎ ހިކަނދިފަތް (ކުދިކޮށް ކޮށާފަ)
▪︎ ފާރޮށި ކުނޑި
▪︎ ލޮނު
▪︎ އަސޭމިރުސް
▪︎ 5 ބިސް
▪︎ ތެޔޮ
ތައްޔާރު ކުރާނެ ގޮތް:
▪︎ ތަވާ އުނދުން މައްޗަށް އުދާފަ ތެޔޮކޮޅެއް އަޅާ، ތެޔޮގަނޑު ހޫނުވުމުން ފިޔާ، ހިކަނދިފަތް، ލޮނުމެދު އަދި މިރުސް އަޅާފަ ފިޔާ މީރު ކޮށްލާށެވެ.
▪︎ ފިޔާކޮޅު ރަނގަޅަށް މީރުވުމުން (މޯޅި ވުމުން) ތަވާމަތިން ނަގާފަ ހިހޫ ކޮށްލަން ބަހައްޓާށެވެ.
▪︎ ދެން އަލުވި، މަސް، ލޮނު އަދި އަސޭމިރުސް އޭގެތެރެއަށް އަޅާފައި ރަނގަޅަށް މޮޑެލާށެވެ. އަދި އޭގެ ތެރެއަށް ބިސްވެސް އަޅާ ރަނގަޅަށް އެއްކޮށްލާށެވެ.
▪︎ އެއަށްފަހު ޓްރޭގައި ތެޔޮފޮދެއް ހޭކުމަށްފަހު ތައްޔާރުކުރި މަސްގަނޑު ޓްރޭ ތެރެއަށް އަޅާލާށެވެ.
▪︎ ދެން މައްޗަށް ފާރޮށިކުނޑި ބުރުވާލުމަށްފަހު އަވަނުން ފިހެލާށެވެ.
