އިބޫ މިއަދު ވިދާޅުވީ ވޯޓުލުމުގެ ހައްޤު ހަނިކުރުމުގެ ކަންކަން ނުކުރެއްވުމަށް އިލްތިމާސްކުރައްވާ ކަމަށެވެ. އަދި އަމިއްލަ އިޚްތިޔާރުގައި ރީރަޖިސްޓްރީ ކުރުމުގެ ހައްޤު ކޮންމެ ރައްޔިތަކަށްވެސް ލިބިގެނވާ ކަމަށެވެ.
ގުޅިފައިވާ ކޯލިޝަނުން ނޫސްވެރިންނަށް މައުލޫމާތުދެމުން މިއަދު ބުނީ ސަރުކާރުން މަސައްކަތްކުރަނީ ވީހައި މަދު ބައަކަށް ވޯޓުލުމުގެ ފުރުޞަތު ދިނުމަށް ކަމަށެވެ. އަދި އެކަމަށް މަސައްކަތްކުރަނީ ގިނަ ބައަކު ވޯޓުލައިފިނަމަ ބޮޑުތަފާތަކުން ރައީސް ޔާމީން ބަލިވާނެތީ ކަމަށެވެ.
އިލެކްޝަން ކޮމިޝަނުން ސަރުކާރަށް އެ ފުރުޞަތު ދެނީ ރައީސް ޔާމީން ބަލިވާތަން ބަލަން އެކޮމިޝަނަށް ހަޖަމު ނުކުރެވޭނެތީ ކަމަށްވެސް ޕްރެސްގައި ބުނެފައިވެއެވެ. "އިލެކްޝަންސް ކޮމިޝަނުގެ ރައީސަކަށް ހުރީ ޕީޕީއެމްގެ އިސް އެކްޓިިސްޓަކަށް އިހައްދުވަހާ ޖެހެންދެން އުޅުނު މީހެއް. އޭނާއަކަށް ހަޖަމެއް ނުކުރެވޭނެ ރައީސް ޔާމީން ބަލިވާތަން ފެންނާކަށް."
"ސަރުކާރުގެ މުވައްޒިފުން ވޯޓުލާން ރީރަޖިސްޓްރީ ކުމުގެ ކަންކަން ވަޒީރުންނާއި ކުންފުނިތަކުގެ ވެރިން ކުރައްވާތީ ކަންބޮޑުވޭ. ވޯޓުލުމުގެ ހައްޤު ހަނިކުރުމުގެ ކަންކަން ނުކުރެއްވުމަށް އިލްތިމާސްކުރަން. އަމިއްލަ އިޚްތިޔާރުގައި ރީރަޖިސްޓްރީ ކުރުމުގެ ހައްޤު ކޮންމެ ރައްޔިތަކަށްވެސް ލިބިގެންވޭ."
Sarukaaruge muvazzafun vote laan re-register kurumuge kankan vazeerunaai kunfuni thakuge verin kurahvaathee kanboduvey. Vote lumuge haggu hanikurumuge kankan nukurevvumah ilthimaas kuran. Amilla ikhthiyarugai re-register kurumuge haggu konme rayyithakah ves libigen vey.
— Ibrahim Mohamed Solih (@ibusolih) July 22, 2018
