އިބޫގެ ކެންޑިޑަސީ ފޯމް އިލެކްޝަންސް ކޮމިޝަނުން ބަލައިގެންފި

ގުޅިފައިވާ ކޯލިޝަނުގެ ރިޔާސީ ކެންޑިޑޭޓް އިބްރާހީމް މުޙައްމަދު ޞާލިޙް (އިބޫ)ގެ ކެންޑިޑަސީ ފޯމް އިލެކްޝަންސް ކޮމިޝަނުން ބަލައިގަނެ ބަލައިގަތްކަމުގެ ލިޔުން ދޫކޮށްފިއެވެ.

އިބޫ އާއި ފައިޞަލް ފޯމް ހަވާލުކުރެއްވީ ޚާއްޞަ ރަސްމިއްޔާތެއްގެ ތެރެއިން މިމަހުގެ 26 ވަނަ ދުވަހުއެވެ. ޤާނޫނުގައި ބުނަނީ ފޯމް ބަލައިގަންނަތާ 48 ގަޑިއިރުގެ ތެރޭގައި އެކަމަށް ގޮތެއް ނިންމަން ޖެހޭ ކަމަށެވެ. އިލެކްޝަންސް ކޮމިޝަނުން މިއަދު ވަނީ ފޯމް ބަލައިގަތުމަށްފަހު އެކަން ބަޔާންކޮށް ޓްވީޓެއް ކޮށްފައެވެ.

ފޯމް ބަލައިގަތުމުން ރިޔާސީ އިންތިޚާބުގައި ވާދަކުރެއްވުމަށް އިބޫ އާއި ފައިޞަލަށް މިހާރު އެއްވެސް ހުރަހެއް އޮންނާނެ ކަމަކަށް ނުބެލެވެއެވެ.

އިލެކްޝަންސް ކޮމިޝަނުން ބުނަމުން ގެންދަނީ މިއަހަރުގެ ރިޔާސީ އިންތިޚާބު ބާއްވާނީ ސެޕްޓެމްބަރު މަހުގެ 23 ވަނަ ދުވަހު ކަމަށެވެ. މިއީ ރާއްޖޭގެ ތާރީޚުގައި ރަސްމީ ބަންދު ނޫން ދުވަހެއްގައި ބާއްވާ ފުރަތަމަ ރިޔާސީ އިންތިޚާބެވެ.

Gulhifaivaa Party thakuge riyaasee candidate Ibrahim Mohamed Salih @ibusolih ge candidacy form election commissionun balaigane candidacy gaboolu kuri kamuge liyun havaalukoffi pic.twitter.com/XyFzJ6sBTr

— JP Chief Spokesperson (@jpspokesperson) July 28, 2018

MDP ge riyaasee candidate Ibrahim Mohamed Solih ge candidacy form election commissionun balaigane candidacy gaboolu kuri kamuge liyun havaalukoffi

— Elections Commission (@ElectionsMv) July 28, 2018