މަލަހިނި ކުޑަ ބަނޑޮސް ޑައިވިން ސްކޫލްގައި އަލިފާނުގެ ހާދިސާއެއް ހިނގުމުން، އެމްއެންޑީއެފް ފަޔަރ އެންޑް ރެސްކިއު ޓީމުން ހަރަކާތްތެރިވަމުން އެބަ ގެންދެއެވެ.
އެމްއެންޑީއެފް އިން މައުލޫމާތު ދީފައިވާ ގޮތުގައި މިހާދިސާ ހިނގި ކަމުގެ ރިޕޯޓު ކޮށްފައިވަނީ މިއަދު މެންދުރު 13:07 ގައެވެ.
(13:35 އަޕްޑޭޓް) އެމްއެންޑީއެފް ގެ މީޑިއާ އޮފިޝަލު މައުލޫމާތު ދިން ގޮތުގައި އެރިސޯޓުގެ ފަޔަރމަނުން މިހާރު ވަނީ ރޯވި އަލިފާންގަނޑު ކޮންޓްރޯލް ކޮށްފައެވެ. އަލިފާންގަނޑު ކޮންޓްރޯލް ކޮށްފައިވަނީ މެންދުރު 13:45 ހާއިރު ކަމަށް މައުލޫމާތު ލިބެއެވެ.
ކުޑަ ބަނޑޮސް ޑައިވިން ސްކޫލްގައި މި އަލިފާނުގެ ހާދިސާގެ ސަަބަބުން އެރިސޯޓުގައި މަސައްކަތް ކުރާ ދިވެއްސެއްގެ އަތް ވަނީ ފިހިފައެވެ. އަދި ފަރުވާ ދިނުމަށް އޭނާ މާލެ ގެނެވިފައިވާ ކަމަށް ވެސް މައުލޫމާތު ލިބިފައިވެއެވެ.
މަލަހިނި ކުޑަ ބަނޑޮސްގެ ޑައިވިން ސްކޫލްގައި އަލިފާން ރޯވެއްޖެ
