ސިޔާދަށް ކުރި ދައުވާ ބާތިލު ކޮށްފި

ކިޔުމަށް ހޭދަވާނީ 57ސ
ސިޔާދަށް ކުރި ދައުވާ ބާތިލު ކޮށްފި
ޖުމްހޫރީ ޕާޓީގެ ލީޑަރ ޤާސިމް އިބްރަހިމް ގެ ދަރިކަލުން އަދި ވިލާ ގްރޫޕް އޮފް އިންޑަސްޓްރީސް ގެ މެނެޖިން ޑިރެކްޓާރ އިބްރާހިމް ސިޔާދު ޤާސިމް ގެ މައްޗަށް ދައުލަތުން އުފުލި ރިޝްވަތު ދިން ކަމުގެ ދައުވާ، ކްރިމިނަލް ކޯޓުން ބާތިލު ކޮށްފިއެވެ.

މިއަހަރުގެ ފެބްރުއަރީ މަހުގެ އެއްވަނަ ދުވަހު ސުޕްރީމް ކޯޓުން ނެރުނު އަމުރާ ގުޅިގެން އޭރުގެ އުއްތަމަ ފަނޑިޔާރު އަބްދުﷲ ސައީދާއި އެކޯޓުގެ ފަނޑިޔާރު އަލީ ހަމީދަށް ރިޝްވަތު ދިންކަމުގެ ތުހުމަތުގައި ސިޔާދު ހައްޔަރުކޮށް ދައުލަތުން ދައުވާ ކުރީ އެ ދެ ފަނޑިޔާރުންނާ ގުޅުންހުރި ފަރާތްތަކުން މެލޭޝިޔާއިން ގަތް ފްލެޓުތަކަކަށް ވިލާ ކުންފުނީގެ ފަރާތުން ފައިސާ ދެއްކެވި ކަމަށެވެ. މިމައްސަލައިގައި ސިޔާދު ހައްޔަރުކޮށް ބަންދުގައި ބެހެއްޓުމަށްފަހު މިނިވަން ކުރީ މިދިޔަ ޖުލައި މަހުގައެވެ.

ސިޔާދް ގާސިމްގެ މައްޗަށް ކުރި އެދައުވާ ބާތިލު ކުރީ، ދައުވާ ކުރިއަށް ގެންދެވޭނެ ތަނެއް ނެތް ކަމަށް ނިންމާ، އެދައުވާގައި ބުނާ ކަންކަން ސާބިތު ކުރެވޭނެ ލިޔުންތައް ވެސް ދައުލަތުން ހުށަހަޅާފައި ނެތުމުންނެވެ.
މިއަދު އޮންލައިން