ޝައިޚް އާދަމް ޝަމީމް ރާއްޖެ ވަޑައިގެންފި- ޑީޕޯޓްކުރި ސަބަބު ބުނެދީފައެއް ނުވޭ!

އަބްދުއްލަތީފް
ކިޔުމަށް ހޭދަވާނީ 58ސ
ޝައިޚް އާދަމް ޝަމީމް ރާއްޖެ ވަޑައިގެންފި- ޑީޕޯޓްކުރި ސަބަބު ބުނެދީފައެއް ނުވޭ!
ބައްޕާފުޅުގެ ބޭސް ފަރުވާއަށް އިންޑިއާއަށް ވަޑައިގަތުމުން އެތެރެވިއަ ނުދީ ހިފެހެއްޓި ޝައިޚް އާދަމް ޝަމީމް ރޭ ރާއްޖެ ވަޑައިގެންފިއެވެ.

ޝައިޚް އާދަމް ޝަމީމް ވިދާޅުވީ 30 ގަޑިއިރުވަންދެން އިމިގްރޭޝަނުގެ ބެލުމުގެ ދަށުގައި ބެހެއްޓި ނަމަވެސް އޭނާ ހިފެހެއްޓި ސަބަބު ބުނެދީފައި ނުވާކަމަށެވެ. ނަމަވެސް އޮފިޝަލުން، އޭނާ ކުރައްވާ މަސައްކަތްޕުޅުތަކާއި ޙާޞިލުކުރައްވާފައިވާ ތައުލީމާއިބެހޭ ގޮތުން ސުވާލުކުރި ކަމަށެވެ.

ބައްޕާފުޅުގެ ބޭސް ފަރުވާއަށް ބޭބޭފުޅާއިއެކު ހުކުރު ދުވަހު އިންޑިއާއަށް ވަޑައިގަތުމުން ޝައިޚް އާދަމް ޝަމީމް ހިފެހެއްޓީ ޓްރިވެންޑްރަމް އެއާޕޯޓުންނެވެ. ޝައިޚް އާދަމް ޝަމީމް ހިފެހެއްޓުމާއި ގުޅިގެން އެމަނިކުފާނަކީ ހިފަހައްޓަން ޖެހެންވީ އެއްވެސް ސަބަބެއް އޮތް ބޭފުޅެއް ނޫންކަމަށް ބަޔާން ކުރައްވައި ރާއްޖޭގެ މަޝްހޫރު ބައެއް ޢިލްމުވެރިން ވަނީ ކަންބޮޑުވުން ފައުޅު ކުރައްވައިފައެވެ.



މިއަދު އޮންލައިން