ހެކި ވަޒަން ކުރުމުގެ ފުރުސަތު ވަކީލުންނަށް ނުދީ ރައްޔިތުންގެ ނިންމުން ބާތިލެއް ނުކުރެވޭނެ: ދިޔާނާ

ކިޔުމަށް ހޭދަވާނީ 1މ 17ސ
ހެކި ވަޒަން ކުރުމުގެ ފުރުސަތު ވަކީލުންނަށް ނުދީ ރައްޔިތުންގެ ނިންމުން ބާތިލެއް ނުކުރެވޭނެ: ދިޔާނާ
ހެކި ހުށަހަޅާ ފަރާތްތަކުގެ ކެރެކްޓާ ވަޒަން ކުރުމުގެ ފުރުސަތު ދިފާއީ ވަކީލުންނަށް ނުދީ ދިވެހި ރައްޔިތުންގެ ނިންމުން ބާތިލު ނުކުރެވޭނެ ކަމަށް ކުރީގެ ބަންޑާރަ ނައިބު އަލްއުސްތާޛާ ދިޔާނާ ސައީދު ވިދާޅުވެއްޖެއެވެ.

ދިޔާނާ މިއަދު ކުރެއްވި ޓްވީޓެއްގައި ވިދާާޅުވެފައިވަނީ ހެކިބަސް ދޭ މީހުންގެ ކެރެކްޓާ ވަޒަންކުރުމުގެ ފުރުސަތު ދިފާއީ ވަކީލުންނަށް ނުދީ، އެމީހެއްގެ ހެކިބަހުގެ މައްޗަށް ދިވެހި ރައްޔިތުންގެ ސާފު އަގުލަބިއްޔަތުން ނިންމި ނިންމުން ބާތިލެއް ނުކުރެވޭނެ ކަމަށެވެ.

މީގެއިތުރުން ދިޔާނާ ވިދާޅުވީ ހެކި ވަންހަނާ ނުކުރެވޭނެ ކަމަށެވެ.

މިދިޔަ މަހުގެ 23 ވަނަ ދުވަހު ބޭއްވުނު ރާއްޖޭގެ ރިޔާސީ އިންތިހާބުގެ ނަތީޖާ ޤަބޫލު ކުރެއްވުމަށްފަހު، ފަހުން އެނަތީޖާ ޤަބޫލު ނުކުރައްވާ ކަމަށް ވިދާޅުވެ، ރައީސް އަބްދުﷲ ޔާމީން އަބްދުލްޤައްޔޫމް ވަނީ އިންތިހާބު ބާތިލު ކުރުމަށް ސުޕްރީމް ކޯޓަށް ދުސްތޫރީ މައްސަލައެއް ހުށަހަޅާފައެވެ. އިއްޔެ އެމައްސަލައިގެ ފުރަތަމަ އަޑުއެހުން އޮތް އިރު މިއަދު އޮތީ ކޮށްފައިވާ ދައުވާތަކަށް ޖަވާބުދާރީވުމުގެ އަޑުއެހުމެވެ. މިމައްސަލައިގެ އަޑުއެހުމެއް މާދަމާ ހެނދުނު 10:30 ތާވަލު ކޮށްފައިވާއިރު، އިންތިހާބާއި ގުޅޭ މިމައްސަލައިގެ ހުކުމް އިއްވުން މާދަމާ ރޭގެ ވަގުތެއްގައި އޮންނާނެ ކަަމަށް ވެސް ދަނީ އަޑުފެތުރެމުންނެވެ.

މިއަދު އޮންލައިން