މިފަދަ މޭރުމުން ބުނަމުން ގެންދަނީ 23 ސެޕްޓެމްބަރުގައި ލީ ވޯޓާއި ގުޅިގެން ކަންބޮޑުވާ މައްސަލަތަކެއް ހުރިކަމަށް ރައީސް ޔާމީނަށް ޤަބޫލުފުޅު ނުކުރެއްވިގެން ކަމަށް ވިދާޅުވެ ސްޕްރީމް ކޯޓަށް ވައްދާފައިވާ މައްސަލައިގައި ހުށަހަޅުއްވާފައިވާ ކަންކަމަކީ އިންސާނުންގެ ބުއްދިއަށް ޤަބޫލު ކުރެވޭ ކަންކަން ނޫންކަން ބަޔާންކުރުމުގެ ގޮތުންނެވެ.
ސްޕްރީމް ކޯޓު ސަރަހައްދަށް އެއްވެ ތިބި މީހުންނަށް ބަލާއިރު ޕީޕީއެމްގެ ސްޕޯޓަރުން ނުފެންނަކަން ފާހަގަކުރެވެއެވެ. ނަމަވެސް ތަންކޮޅެއް ދުރުގައި ކުޅިބަލަން ބައެއް މީހުން މަޑުކޮށްގެން ތިބި ކަމަށް މައުލޫމާތު ލިބެއެވެ. ރައީސް ޔާމީނުގެ އެންމެ "ބިޔަ" ޤާނޫނީ ވަކީލު ޢައިޝަތު ޢާޒިމާ ޝުކޫރު މިއަދުގެ އަޑުއެހުމަށް ވަޑައިގެންނެވިތަންވެސް ފެނިފައެއް ނުވެއެވެ.