ދީނީ އިލްމުވެރިޔާ ޑރ.އަފްރާޝީމް އަލީ އާއި ބްލޮގަރ ޔާމީން ރަޝީދު އަދި ގެއްލިފައިވާ މިނިވަން ނޫހުގެ ނޫސްވެރިޔާ އަހްމަދު ރިލްވާންގެ މައްސަލައިގެ ތަޙްޤީޤަށް އަމިއްލަ ފޯރުންތެރިކަން ހުރި މިންވަރުން އެހީ ފޯރުކޮށްދޭން ތައްޔާރަށް ހުންނެވި ކަމަށް ޕްރޮފެސަރ ހަސަން އުގެއިލް ވިދާޅުވެއްޖެ އެވެ.
ޕްރޮފެސަރ އުގެއިލް މިއަދު ލިޔުއްވި ފޭސްބުކް ޕޯސްޓެއްގައި ވިދާޅުވީ، ޑރ އަފްރާޝީމާއި، ޔާމީން ރަޝީދާއި ގެއްލިފައިވާ ނޫސްވެރިޔާ، އަހުމަދު ރިލްވާނުގެ މައްސަލަ ފަދަ ބޮޑެތި މައްސަލަތަކުގެ ހަގީގަތް ފުރުހަމަ ތަހުގީގުތަކުގެ އަލީގައި ދެނެގަންނަންޖެހޭ ކަމަށެވެ. އެކަމަށްޓަކައި އެހީދޭންޖެހޭ ހާލަތެއް އަތުވެއްޖެނަމަ އަމިއްލަ ފެންވަރު ހުރި މިންވަރަކުން އެހީތެރިކަން ފޯރުކޮށްދޭން ތައްޔާރަށް ހުންނެވި ކަމަށެވެ.