ރިޔާސީ ދައުރު ފެށޭ ދުވަހަކީ ނޮވެމްބަރު 11 ކަން ޤާނޫނު އަސާސީން ވަރަށް ސާފު: ޤާސިމް

އަބްދުއްލަތީފް
ކިޔުމަށް ހޭދަވާނީ 1މ 6ސ
ރިޔާސީ ދައުރު ފެށޭ ދުވަހަކީ ނޮވެމްބަރު 11 ކަން ޤާނޫނު އަސާސީން ވަރަށް ސާފު: ޤާސިމް
ރިޔާސީ ދައުރު ފެށޭ ދުވަހަކީ ނޮވެމްބަރު 11 ކަން ޤާނޫނު އަސާސީން ވަރަށް ސާފު ކަމަށާއި ޤާނޫނު އަސާސީގެ ރޫޙަށާއި ބަޔާން ކުރެވިފައިވާ ކަންތައްތަކަށް ބެލުމުން މިކަން ވަރަށް ރަނގަޅަށް އެނގިގެންދާ ކަމަށް ޤާނޫނު އަސާސީ އެކުލަވައިލި ޚއްޞަ މަޖިލީހުގެ ރައީސްކަން ކުރެއްވި، މާމިގިލި ދާއިރާގެ މެންބަރު ޤާސިމް އިބްރާހީމް ވިދާޅުވެއްޖެއެވެ.



ރައްޔިތުންގެ މަޖިލީހުގެ މިއަދުގެ ޖަލްސާގައި ޤާސިމް އިބްރާހީމް ވިދާޅުވީ ރިޔާސީ ދައުރު ނިމޭ ދުވަހަކީ ނޮވެމްބަރު މަހުގެ 10 ވަނަ ދުވަސްކަން ވަރަށް ސާފުކޮށް އެނގެން އެބައޮތް ކަމަށެވެ. 2013 ވަނަ އަހަރު އިންތިޚާބުގެ ކަންކަން ނުނިމި ލަސްވުމުން އިންތިޚާބީ ރައީސް ހުވާ ކުރެއްވުން ނޮވެމްބަރު 17 އަށް ސްޕްރީމް ކޯޓުން ލަސްކުރުމަށް ސްޕްރީމް ކޯޓުން ނެރުނު އަމުރަކީ ކޮންމެ އަހަރެއްގެ ރިޔާސީ ދައުރު ފެށުމަށް ގެނެވުނު ބަދަލެއް ކަމަށް ޤަބޫލުފުޅު ނުކުރައްވަވާ ކަމަށެވެ.

ކަނޑިތީމު ދާއިރާގެ މެންބަރު މުޙައްމަދު ޙުސައިން ވިދާޅުވީ ރާއްޖޭގެ ދެވަނަ ޖުމްހީއްޔާގެ ވެރިކަން ފުރަތަމަ ފެށުމަށް ނެގުނު ވޯޓުން ފެށިގެން ރިޔާސީ ދައުރު ފެށެނީ ނޮވެމްބަރު 11 ގައި ކަމާއި ދައުރު ނިމެނީ ނޮވެމްބަރު 10 ގައި ކަމާއި ވެރިކަމުގެ ދައުރަކީ ނޮވެމަބަރު މަހުގެ 11 ވަނަ ދުވަހުން ފެށިގެން 5 އަހަރުކަން ވަރަށް ސާފުކޮށް އެނގޭ ކަމަށާއި އެކަމަށް އިތުރު ގޮތަތަކެއް ނިންމަން ކޮންމެހެން ނުޖެހޭ ކަމަށެވެ.
މިއަދު އޮންލައިން