ޑރ. މުޢިއްޒު މިއަދު ވިދާޅުވެފައިވަނީ މާލޭގައި ފެންބޮޑުވުމުގެ މައްސަލަތައް ކުރިމަތިވެފައިމިވަނީ ޕަމްޕް ސްޓޭޝަންތަކަށް ބައަކު ގެއްލުންދީ ހަލާކުކޮށްލައިގެން ކަމަށާއި އެތަންތަނުގެ ކަރަންޓުވެސް ބައަކު ކަނޑާލާފައިވާ ކަމަށެވެ. ނަމަވެސް ސީއެންއެމް އަށް މައުލޫމާތު ދިން ފަރާތުން ބުނެފައިވަނީ މާލޭގައި ހުރި 11 ޕަމްޕް ސްޓޭޝަނުގެ ތެރެއިން ހަލާކުވެފައިވަނީ 2 ސްޓޭޝަނެއްގެ ޕެނެލްބޯޑު ކަމަށެވެ. ހިރިޔާ ސްކޫލް ކައިރީގައި ހުރި ޕަމްޕް ސްޓޭޝަނުގެ ޕެނެލް ބޯޑު ހަލާކުވެފައިވަނީ އެ ސަރަހައްދުގައި ކޮންސްޓްރަކްޝަން މަސައްކަތް ކުރުމުގައި ކަމަށާއި އެކުވެނި ޓްރެކް ސަރަހައްދުގައި ހުރި ސްޓޭޝަނުގެ ޕަމްޕް ހަލާކުވެފައިވަނީ ފެންއެޅިގެން ކަމަށެވެ.
ޑރ. މުޢިއްޒު ހެނދުނު ކުރެއްވި ޓްވީޓާއި ގުޅިގެން ޕަމްޕަ ސްޓޭޝަންތަކަށް ގެއްލުންދިން މައްސަލަ ފުލުހުންނަށް ހުށަހަޅާފައިވޭތޯ އާއި ހުށަހެޅީ ކޮން ދުވަހަކުތޯ ހައުސިންގ މިނިސްޓްރީގެ މީޑިއާ އޮފިޝަލާއި ކުރި ސުވާލަށް ޖަވާބު ދީފައެއް ނުވެއެވެ. ފުލުހުންގެ ބަހެއް ހޯދަން ޕޮލިސް މީޑިއާގެ 2 ނަމްބަރަށް ގުޅުމުންވެސް ފޯނު ނުނަގާތީ ފުލުހުންގެ ބަހެއް ލިބޭގޮތް ވަނީ ނުވެފައެވެ.
Stormwater system ge gina pump stations thakuge panel board ah vanee gellundhee halaaku kollaafa. Adhi baeh pumpstation thakuge current supply vanee kandaalafa. Mikankan kuri faraaithakuge naathahuzeeb amalu kuvverikuran. Adhi rayyithunnah dhimaavaa undhagulah ma'aafah edhen.
— Dr.Mohamed Muizzu (@MMuizzu) October 30, 2018
ސީއެންއެމް ޚަބަރު ޕީޑީއެފްކޮށްފަލާ
https://cnm.mv/f/?id=77887
