މިއަހަރުގެ ސެޕްޓެމްބަރ މަހުގެ 23 ވަނަ ދުވަހު ބޭއްވުނު ރިޔާސީ އިންތިހާބުގައި ބޭނުން ކުރި ވޯޓު ކަރުދާސް ނައްތާލި މައްސަލައިގައި ސުވާލު ކުރުމަށް އިލެކްޝަންސް ކޮމިޝަންގެ ރައީސް އަހުމަދު ޝަރީފް ފުލުސް އޮފީހަށް ހާޒިރުކޮށްފިއެވެ.
މައުލޫމާތު ލިބިފައިވާ ގޮތުގައި، ޝަރީފާއެކު މިވަގުތު ފުލުސް އޮފީހަށް އީސީގެ އިތުރު ތިން މެމްބަރަކު ވެސް ވަނީ ވަޑައިގެންފައެވެ. އަދި އީސީގެ ރައީސް ފުލުސް އޮފީހަށް ވަޑައިގެންނެވީ އެމަނިކުފާނުގެ ދެ ޤާނޫނީ ވަކީލުންނާ ވެސް އެކުގައި ކަމަށް މައުލޫމާތު ލިބިފައިވެއެވެ.
