ތައިލޭންޑްގައި މޯލްޑިވްސް ބީޗް ރިސޯޓު ގެ ނަމުގައި އެގައުމުގެ އަމިއްލަފަރާތަކުން ހިންގަމުންއަން ރިސޯޓު ބަންދުކޮށްފިއެވެ.
ތައިލޭންޑްގެ ކަމާބެހޭ ފަރާތްތަކުން މި ރިސޯޓް ބަންދުކުރީ މިތަނުގެ ބައެއް މޫދު ކޮޓަރިތައް ހުއްދަ ނުނަގާ ހަދާފައިވާކަން ފަޅާއެރުމާއި ގުޅިގެންނެވެ. މިކަން ފަޅާއެރީ، ބަޔަކު އެ ގައުމުގެ މެރިން އެންޑް ކޯސްޓަލް ރިސޯސަސް ޑިޕާޓްމަންޓަށް މައްސަލައެއް ހުށަހެޅުމުނެވެ.
މި ރިސޯޓަކީ ރާއްޖޭގެ ނަން ބޭނުންކޮށްގެން ތައިލޭންޑްގައި މަޝްހޫރުކަން ހޯދައިފައިވާ ތަނެކެވެ.
