ޜައީސް ޔާމީނު މިއަދު ފުލުސް އޮފީހަށް ވަޑައިގަންނަވާނީ ކަޅު ބިއްލޫރި ޖެހި ކާރެއްގައި ނޫންކަމަށާއި ސަޕޯޓަރުންނާއިއެކު ހިންގަވާފައި ކަމަށް ޕީޕީއެމުން އިއްޔެ ބުނެފައިވަނިކޮށް ފުލުސް އޮފީހަށް ވަޑައިގަންނަވަން ކަޅު ބިއްލޫރި ޖެހި ކާރަކަށް އަރާވަޑައިގެންފިއެވެ.
ރައީސް ޔާމީނު ފުލުހުންގެ އިދާރާއަށް ރައީސް ޔާމީނު ހިންގަވާފައި ވަޑައިގަންނަވާނެ ކަމަށް އެމަނިކުފާނަށް ވަފާތެރި ބައަކު ވަނީ އެމަނިކުފާނު ދިރިއުޅުއްވާ ގެކޮޅު ކައިރިއަށް އެއްވެފައެވެ. އަދި އެމަނިކުފާނު ކުރެއްވި ވައްކަންތައް "އޯކޭ" ނޫން މީހުން ވެސް ވަނީ އެއްވެފައެވެ.
ރައީސް ޔާމީނުގެ ވެރިކަމުގައި އިދިކޮޅު ލީޑަރުންނާއި ސަޕޯޓަރުން އެއްވެސް ހައްޤެއް ނެތި ހިފައި ހައްޔަރުކޮށްފައިވީ ނަމަވެސް މިހާރުގެ ސަރުކާރުގެ އިސް ބޭފަޅުން ވިދާޅުވަމުން ގެންދަވަނީ ރައީސް ޔާމީނުގެ މައްސަލަތައް ތަހްޤީޤުކުރަން ޖެހޭނީވެސް އަދި އަދަބު ދޭން ޖެހޭނީ ވެސް އިންޞާފުވެރިކަމާއިއެކުގައި ކަމަށެވެ.
