މިއަހަރުގެ މިހައިތަނަށް ،581 796 މީހުން ހައްޖަށް ގޮސްފައިވާއިރު 7068 މީހުން ހައްޖަށް ގޮސްފައިވަނީ ކަނޑުމަގުންނެވެ. އެއްގަމު މަގުން ހައްޖަށް ގޮސްފައިވަނީ 9039 މީހުންނެވެ. ވައިގެމަގުން ގޮސްފައިވަނީ 780،474 މީހުންނެވެ.

ހައްޖުވުމަށް މިހާރު ވެސް ގިނަބައަކު ސައުދިއަރަބިޔާއަށް ދަމުން ގެންދާއިރު ހައްޖުވުމަށްދާ މީހުންގެ އަދަދު އެތައް ގުނައަކަށް އިތުރުވާނެ ކަމަށް ރިPޯޓްތައް ބުނެއެވެ.

ހައްޖަށް މީހުންދާނެ އެންމެ ފަހު ދުވަހަކީ ސެޕްޓެމްބަރު މަހުގެ 14 ވަނަ ދުވަސް ކަމަށް އަރަބް ނިޔުސް ހާމަކުރެއެވެ.

ހައްޖުވެރިންނަށް ވީހައި ފުރިހަމަ ޚިދުމަތެއް ދިނުމަށް ސައުދީ ސަރުކާރުން ގެންދަނީ ގިނަ މަސައްކަތްތަކެއް ކުރަމުންނެވެ. ޚާއްޞަކޮށް ދެ ހަރަމްފުޅާއި ހަރަމްފުޅަށް ގޮސް އައިސްވުމަށް ލުއި ފަސޭހަ ގޮތްތަކެއް ހަމަޖައްސައިދިނުމަށް ސައުދީ ސަރުކާރުން މިއަަހަރު ވަނީ ޚާއްޞަ ފިޔަވަޅުތަކެއް އަޅައިފައެވެ.

ހައްޖުވުމަށް ދާ މީހުން ހައްޖުގެ އަޅުކަން އަދާކުރުމުގައި އިސްލާމީ ރިވެތި އުޞޫލުތަކަށް އަމަލުކުރުމަށް ސައުދީ ސަރުކާރުން މިއަހަރު ގެންދަނީ ޚާއްޞަކޮށް އިލްތިމާސްކުރަމުންނެވެ.