ހަރަމްފުޅު ސަރަހައްދުގައި މަސައްކަތްކުރަން ބާއްވާފައި އޮތް ކްރޭނެއް ފުރޮޅައިލައިގެން ހުކުރު ދުވަހު މަރުވި ޙައްޖުވެރިންގެ ތެރޭގައި ޕާކިސްތާނުގެ 11 ހައްޖުވެރިނާއި، އިންޑިއާގެ 11 ހައްޖުވެރިނާއި އަދި އިނގިރޭސި ވިލާތުގެ 2 ހައްޖުވެރިން ހިމެނޭކަން އެޤައުމުތަކުން ކަށަވަރުކޮށްދީފިއެވެ.

އެ ޤައުމުތަކުން މިކަން ކަށަވަރުކޮށްދީފައިވަނީ މިނާއަށް ގޮސް މޯޗަރީން އެމީހުންގެ ހަށިތައް ބެލުމަށްފަހުގައެވެ.

މިމީހުންގެ ހަށިތައް ފާހަގަކުރީ ސައުދީ ސަރުކާރުން ހާމަކުރި ފޮޓޯތައް ބެލުމަށްފަހު އެމީހުންގެ ޢާއިލީން މޯޗަރީއަށް ގޮސް ހަށިތައް ބަލައިގެންނެވެ.

ސައުދި ސަރުކާރުން ވަނީ މަރުވިކަމަށް ބެލެވޭ 108 މީހެއްގެ ފޮޓޯ ހާމަކޮށްފައެވެ.

އިނގިރޭސި ވިލާތުން ހައްޖުވުމަށް މިހައިތަނަށް 10،000 މީހުން މައްކާއަށް އައިސްފައިވާކަމަށް ބެލެވޭއިރު އަދި އިތުރު 10،000 މީހުން ކުރިއަށް އޮތް ހަފްތާގައި އަންނާނެ ކަމަށް ވަނީ ބެލެވިފައެވެ.