“ޖުނާ ފުޓުބޯލް ޗެލެންޖު 2015” ގެ ފައިނަލުގައި ފޭދޫ ފްރެންޑްސް ކުލާބާ ބައްދަލު ކުރާނީ، ފޭދޫ ޔޫތު ކޮމިޔުނިޓީ (އެފްވައިސީ) އެވެ.

ފައިނަލުގެ ފަހުޖާގަ އެޓީމް ހޯދީ ހިތަދޫ ޒޯންސްޓޭޑިއަމްގައި އިއްޔެ ހަވީރު މައިލޯ ސިޓީ އެފްސީއާ ބައްދަލުކޮށް 5-1 ލަނޑުން މޮޅުވެގެންނެވެ.

މި މެޗުގެ ލަނޑުތައް އެޓީމަށް ކާމިޔާބުކޮށްދީފައިވަނީ ޖާރޒީ ނަންބަރ 24 ޢަލީ ނާފިޢު، 1 ލަނޑު، ޖާރޒީ ނަންބަރ 7 އިބްރާހީމް މަހުދީ 2 ލަނޑު، ޖާރޒީ ނަންބަރ 10 އިބްރާހީމް މުޙައްމަދު 2 ލަނޑު، ޖާރޒީ ނަންބަރ 7 އިބްރާހީމް މަހުދީ އެއް ލަނޑެވެ. މި ލަނޑުތައް ޖަހައިފައިވަނީ މެޗުގެ ފުރަތަމަ ހާފުގައެވެ.

ދެވަނަ ހާފުގައި ފެނިގެން ދިޔަ ހަމައެކަނީ ލަނޑު ޖަހައިފައިވަނީ މައިލޯ ސިޓީއަށް ލިބުނު ޕެނަލްޓީއަކުން އެޓީމުގެ ޖާރޒީ ނަންބަރ 9 ޙަސަން އަދުހަމެވެ.

މެޗުގެ މޮޅު ކުޅުންތެރިޔާގެ މަޤާމަށް ހޮވުނީ އެފްވައިސީގެ ޖާރޒީ ނަންބަރ 7 އިބްރާހީމް މަހުދީ ޙުުސައިނެވެ.

މިމުބާރާތުގެ ފައިނަލް ކުޅޭނީ މިމަހުގެ 30 ވަނަ ދުވަހު ހަވީރު ހިތަދޫ ޒޯން ސްޓޭޑިއަމުގައެވެ.

މިމުބާރާތުގެ އެއްވަނަ ޓީމަށް ތިންލައްކަ ރުފިޔާ ލިބެއެވެ. ދެވަނަ ޓީމަށް އެއްލައްކަ ރުފިޔާ ލިބެއެވެ.