ދިވެހިރާއްޖޭގެ ޙައްޖު ކޯޕޮރެޝަނުން އިންތިޒާމުކޮށްގެން ކުރިއަށް ގެންދާ ދީނީ، ޘަޤަފީ ދަތުރުގެ ބައިވެރިން މިހާރު ތިބީ މިޞުރުގައެވެ.

މެނޭޖިންގ ޑިރެކްޓަރ ޔާމީން އިދްރީސް މިއަދުނޫހަށް މައުލޫމާތުދެއްވަމުން ވިދާޅުވީ ބައިވެރިންނާއިއެކު މިހާރު ހުންނެވީ މިޞުރުގައިކަމަށެވެ.

ޔާމީން އިދްރީސް ވިދާޅުވީ މިދަތުރުގައި މިހާރު އުރުދުން އަށާއި ފަލަސްޠީނަށް ޒިޔާރަތްކުރައްވާފައިވާ ކަމަށެވެ. މަސްޖިދުލްއަޤްޞާއަށް ކުރެއްވި ޒިޔާރަތުގައި ހުކުރު ނަމާދު އެތަނުގައި ކުރެއްވި ކަމަށްވެސް ޔާމީން ވިދާޅުވިއެވެ.

ޔާމީން ވިދާޅުވީ ކޮންމެ ޤައުމެއްގައި މުހިންމު ތަންތަނަށް ޒިޔާރަތްކުރައްވަމުން ގެންދަވާ ކަމަށެވެ. ދަތުރުު ނިންމައިލުމަށްފަހު މާލެއައުމަށް ހަމަޖެހިފައިވަނީ މެއި މަހުގެ 1 ވަނަ ދުވަހުއެވެ.