ހިސާބާ ގުޅުން ހުރި އެހެން މާއްދާތަކުންވެސް ދަރިވަރުންގެ ފެންވަރު ރަނގަޅުކުރުމަށް އިތުރު ހިދުމަތްތައް ފޯރުކޮށްދޭން ޖެހޭކަމަށް އެޑިއުކޭޝަން މިނިސްޓަރ ޑރ. ޢައިޝަތު ޝިހާމް ވިދާޅުވެއްޖެއެވެ.

ލިޓްރެސީއާ ހިސާބު އިލްމުން ދަރިވަރުން ހޯދަމުން އަންނަ ނަތީޖާ ރަނގަޅު ކުރަން ޤައުމީ ސްޓްރެޓެޖީ ޕްލޭން އިފްތިތާޙު ކުރުމަށް މިއަދު ބޭއްވި ރަސްމިއްޔާތު ޝަރަފްވެރިކޮށްދެއްވާ ވާހަކަ ދްއްކަވަމުން މިނިސްޓަރ ވިދާޅުވީ އޭގެ އެއް ހެއްކަކީ އޭ ލެވެލްއިމްތިހާނަށް ދަރިވަރުންނަށް ބޮޑު އެހީތެރިކަން ބޭނުންވުން ކަމަށެވެ.

މިނިސްޓަރ އިތުރަށް ވިދާޅުވީ އަލަށް އަމަލުކުރަން ފެށި މަންހަޖަކީ ދިރިއުޅުމަށް ދަރިވަރުން ތަމްރީނުކޮށްދޭ އެއްޗެއް ކަމަށެވެ. އަދި އެއިން ދަރިވަރުންގެ ހުނަރުތައް ތަރައްޤީވުމަށްއެހީތެރިކަން ލިބިގެންދާނެ ކަމަށެވެ.